21 Aqpan 2019, 17:21 1292 0 Bıznes Názııa JOIaMERGENQYZY

Kásipkerge taǵy bir múmkindik

Atyraýda «Shevron» kompanııasy, Brıtandyq Keńes (British Council) jáne Atyraý qalasy ákimdiginiń uıymdastyrýymen «I-SEED: Innovaııalar – áleýmettik kásipkerlik jáne bilim» seriktestik jobasynyń qoldaýymen Áleýmettik kásipkerlik mektebi (ÁKM) bolashaq áleýmettik kásipkerlerge arnalǵan eki kúndik semınar ótkizildi. Bilim berý jobasynyń negizgi maqsaty – bolashaq kásipkerlerdi áleýmettik bıznes negizderine úıretý, kásipkerlik daǵdylaryn damytý jáne ınnovaııalyq ıdeıalardy qoldaý arqyly qoǵamnyń ózekti áleýmettik máselelerin sheshý.

«Shevron» kompanııasynyń ókili Janar Qoshpanovanyń aıtýynsha, atalǵan joba elimizdegi qarapaıym adamdardyń turmys-tirshiligin jaqsartýǵa sep bolmaq: «Shaǵyn jáne orta bıznesti qoldaý «Shevron» kompanııasynyń áleýmettik baǵdarlamalarynyń ishindegi  negizgi baǵyty bolyp sanalady. Biz árdaıym jastardy qoldaımyz jáne azamattardyń qarjylyq áleýetin damytýǵa tyrysamyz. Bul joba keleshekte qazaqstandyqtardyń ómirin jaqsartatynyna jáne elimizdiń ekonomıkalyq damýyna yqpal etetinine kámil senemiz. Al qatysýshylar jańa daǵdylarǵa ıe bolyp, ózderiniń áleýmettik kásiporyndaryn asha alatynyna úmittenemiz».

Jobaǵa barlyq áleýmettik toptar men ártúrli jastaǵy azamattar tartylyp, jalpy sany 40-qa jýyq qatysýshy iriktelip alynǵan. Úmitkerler onlaın-saýalnama toltyryp, irikteý barysynda qatysýshylardyń Atyraý óńiriniń ózekti máselelerin sheshý úshin áleýmettik joba qurý múddesi negizge alynǵan.

Semınar barysynda bolashaq áleýmettik kásipkerler Qazaqstandaǵy áleýmettik kásipkerlikti qoldaıtyn tájirıbeli áleýmettik kásipkerlermen, uıymdarmen tanysyp, pikirtalastarǵa jáne netvorkıngke qatysqan.

Sharany qorytyndylaý barysynda Áleýmettik kásipkerlik mektebiniń treneri Emın Askerov: «Áleýmettik kásipkerlik mektebine qatysýshylar ózderiniń áleýmettik jobalaryn bastaý úshin qajetti bilim aldy. Eki kúndik semınarda olar kásipkerliktiń teorııalyq jáne praktıkalyq negizderin, bıznes-josparlaý men óndiristik sheberhanalardy ashý boıynsha daıyndyqtan ótti. Bul joba azamattarǵa ıdeıalaryn biriktirýge jáne damytýǵa múmkindik berdi», − dedi.

Eki kúndik semınar qatysýshylarǵa áleýmettik kásipkerlik salasyndaǵy bilimderin tereńdetip, jeke áleýmettik kásiporyndaryn qurý jáne damytýǵa keń jol ashty.

Áleýmettik kásipkerlik mektebi 2018 jyldyń 2 aqpanynda Astana qalasynda ashylǵan. Osy mekteptiń qoldaýymen, elimizde 12 áleýmettik kásiporyn qurylǵan bolatyn. 2018 jyldyń jazǵy maýsymynda Áleýmettik kásipkerlik mektebiniń sheńberinde Qazaqstannyń 13 qalasyna issapar uıymdastyrylyp, áleýmettik kásipkerlik ıdeıasy keńinen taratyldy.

Sońǵy jańalyqtar