7 Jeltoqsan 2018, 18:01 1745 0 Qoǵam Dınara MYŃJASARQYZY

Din salasy boıynsha jýrnalısterge arnalǵan trenıng

2018 jyly 7 jeltoqsanda Astana qalasynda QR Qoǵamdyq damý mınıstrliginiń Qoǵamdyq kelisim komıteti Din salasyndaǵy máselelerdi jarııalaý boıynsha jýrnalısterge arnalǵan oqytý trenıng ótkizdi.

Trenıng jýrnalısterdi arnaıy daǵdylarǵa oqytý jáne din salasyndaǵy aqparattyq jumystardy uıymdastyrý máseleleri boıynsha tıimdi jumys tájirıbesimen almasý jáne din salasyndaǵy taqyryptarǵa qatysty máselelerdi aqparattyq turǵydan iske asyrý baǵyttaryn túsindirý maqsatynda uıymdastyryldy.

Is-sharanyń ashylýynda sóz alǵan Qoǵamdyq kelisim komıtetiniń jetekshisi Janahanov Qaısar Qadyruly qoǵamdyq pikir jáne destrýktıvti dinı ıdeologııaǵa qarsy ımmýnıtet qalyptastyrýda BAQ ókilderiniń róli erekshe ekendigin atap ótti.

Sonymen qatar, ol qazaqstannyń konfessııaaralyq kelisimdi saqtaý jáne nyǵaıtý saıasatyn qoldaýǵa, sondaı-aq radıkaldy dinı aǵymdardyń ıdeıalaryna qarsy turýǵa jáne halyq úshin qajetti ımmýnıtet qalyptastyrýǵa, dástúrli rýhanı qundylyqtardy jáne zaıyrlylyq qaǵıdalaryn ilgeriletýge BAQ belsene qatysýǵa shaqyrdy.

Trenıngte dinı ekstrımızm men terrorızmge qarsy aqparattyq is-qımyldaǵy BAQ-tyń róli men mindetteri týraly QR UQK Akademısynyń Terrorızmge qarsy daıyndyq ortalyǵynyń qyzmetkeri, sarapshy-saıasatker Irjanov Rýslan Samarhanuly jáne  BAQ- daǵy álemdik jáne dástúrli dinder jaıly qyzyqty faktiler jaıly buqaralyq jáne korporatıvti kommýnıkaııalar jónindegi maman Rústem Rahımov baıandap berdi.

Trenıng barysynda jýrnalıster pikir almasty, usynystardy ortaǵa saldy, din salasyndaǵy qazirgi máselelerdi jáne buqaralyq aqparat quraldarynda jarııalaý ádisterin talqylady.

Is-shara qatysqandarǵa sertıfıkattar tabys etilip, BAQ-da dinı qyzmet salasyndaǵy memlekettik saıasatty úzdik aqparattandyrǵan jýrnalıster marapataldy.

Sońǵy jańalyqtar