28 Maýsym 2018, 15:11 1906 0 Zań Maqsat QUSAIYNOV

Sybaılas jemqorlyqtyń máselesin semınarda qarady

Alataý aýdandyq sotynda «Sybaılas jemqorlyqqa qarsy kúres» taqyrybynda semınar ótkizildi. Sot sýdıalary men qyzmetkerleri jáne keńse meńgerýshisi qatysqan sharanyń ashylýynda sóz alǵan aýdandyq sottyń sýdıasy Nurjan Qarabaev áýeli sybaılas jemqorlyqqa qarsy turý ár azamattyń, memlekettik qyzmetshiniń mindeti ekenin eske saldy.

Óz baıandamasynda Nurjan Erýbaıuly, jemqorlyqtyń aldyn alýǵa baǵyttalǵan zańnyń mindet-­maqsattaryn sóz etip, sybaılas jemqorlyq memlekettik basqarýdyń tıimdiligin tómendetip, progressıvti áleýmettik­-ekonomıkalyq damýyn tejeıtinine toqtaldy.

«Sybaılas jemqorlyqqa qarsy kúresten barlyq memlekettik qyzmetshiler syrt qalmaýy qajet. Árbir memlekettik qyzmetshi tek óz is­-áreketteri úshin emes, tutastaı ujymnyń jumysy úshin de jaýapty. Sonymen qatar, memleket jumys jasaýǵa laıyqty eńbek jaǵdaılaryn jasaǵan soń, memlekettik qyzmetshilerden zańnamany qatań saqtaýdy talap etýge quqyly», – dedi Nurjan Erýbaıuly.

Semınar sońynda, sot proesine qatysýshylarmen is júrgizýden tys qarym-­qatynasta bolmaý jáne sotqa kelýshilerdiń arandatýshylyq is-­áreketterine jol bermeý týraly qatysýshylarǵa qatań eskertildi.

Sońǵy jańalyqtar