22 Maýsym 2018, 10:38 1610 0 Ishki saıasat Nazym Toılybaeva

Abaev: Nazarbaev saılaýǵa tússe, Qazaqstan utady

Qazaqstan aqparat jáne kommýnıkaııa mınıstri Dáýren Abaev is basyndaǵy prezıdent Nursultan Nazarbaev 2020 jyly saılaýǵa tússe, odan Qazaqstan "utatynyn" málimdedi.

Abaev bul jaıynda Astanada senat otyrysynan soń parlament senatynyń tóraǵasy Qasym-Jomart Toqaevtyń prezıdent Nursultan Nazarbaev "2020 jyly saılaýǵa qatyspaýy múmkin degen pikirine oraı aıtty.

"2020 jylǵa deıin áli uzaq ýaqyt bar. Qasym-Jomart Kemeluly aıtqandaı, sheshimdi memleket basshysynyń ózi ǵana qabyldaıdy. 2020 jyly sol kezge qaraı qalyptasqan jaǵdaıǵa qaraý kerek bolady. Menińshe, memleket basshysynyń saıasatta, ekonomıka men halyqaralyq isterdegi mol tájirıbesin, halyqaralyq deńgeıdegi bedelin eskersek, Qazaqstan onyń (Nazarbaev - red) prezıdent saılaýyna túskeninen utady" dedi mınıstr.

Qasym-Jomart Toqaev BBC telearnasynyń Hard Talk baǵdarlamasyna suhbat berip, Nazarbaevtyń bılikte uzaq otyrýyn "turaqtylyq belgisi" dep ataǵan. "2020 jylǵa deıin bılikte bolady. Keıin saılaýǵa túsem dese, ózi sheshim qabyldaıdy" degen Toqaev Nazarbaev týraly.

Sońǵy jańalyqtar