19 Maýsym 2018, 16:41 1625 0 Óndiris Nazym Toılybaeva

Qazaqstanda 2025 jyly munaı óndirý kólemi 100 mln tonnadan asady

Energetıka mınıstri Qanat Bozymbaev halyq aldynda esep berý kezdesýinde elimizde munaı óndirý kólemi 2025 jyly 104 mln tonnaǵa jetetindeı josparlanǵanyn aıtty, dep habarlaıdy Baq.kz tilshisi.

Ol munaı-gaz salasynyń barlyq sektoryndaǵy kórsetkish 2017 jyldyń sáıkes kezeńimen salystyrǵanda ósimdi kórsetkenin aıtty.

«Josparlanǵan munaı óndirýdegi ósim 1% boldy, al is júzinde bul ósim 6,4% kórsetti. Munaı óndirý kólemi 6,3 mln tonnany qurady. 2017 jyldyń sáıkes kezeńimen salystyrǵanda 6,2% qurady. Josparlanǵan munaı eksporty 1,4%, ósim 5,7% qurady. Josparlanǵan gaz óndirý kólemi 0,8%, ósim 6,4% qurady. Josparlanǵan suıytylǵan jáne taýarlyq gazdy óndirýdegi ósim 3,4% jáne 1%, ósim 4,7% jáne 7,6% qurady», - dedi ol.

Mınıstrdiń aıtýynsha, Teńiz, Qarashyǵanaq jáne Qashaǵan úsh iri joba eldegi munaı-gaz óndirý draıveri bolyp otyr.

«Olar qysqa merzimde el ekonomıkasynyń ósimine múmkindik beredi. Munaı óndirý jyl saıyn artyp keledi. 2025 jylǵa qaraı 104 mln tonnaǵa deıin jetedi dep boljanyp otyr jáne osy salany ári qaraı keńeıtý jáne uzartý jobalary iske asyrylyp jatyr. 2024 jylǵa qaraı Qashaǵanda óndiris kólemin jylyna 13 mln tonnadan 16 mln-ǵa deıin jetkizý kútilýde. Jobany iske asyrý kezeńinen bastap Atyraý, Mańǵystaý oblystarynyń áleýmettik jáne ınfraqurylymdyq damýyna quıylǵan ınvestıııa kólemi 570 mln AQSh dollaryn qurady. Jalpy jyl saıyn áleýmettik-ınfraqurylymdyq damýǵa 50 mln AQSh dollary bólinedi», - dedi mınıstr.

Bozymbaev Qarashyǵanaqtaǵy munaı óndirý kólemin saqtap qalý maqsatynda 2020 jylǵa qaraı ınvestıııa kólemi 1,5 mlrd AQSh dollaryn quraıtyn gaz qýattaryn jańǵyrtý, 4-shi kompressordy jáne 5-shi ishki kásipshilik qubyryn salý jobalary iske asyrylatynyn atap ótti.

«Qarashyǵanaqty ıgerý jyldaryna Batys Qazaqstan oblysynyń áleýmettik jáne ınfraqurylymdyq damýyna shamamen 342 mln AQSh dollary bólindi. Jalpy jyl saıyn óńirdiń áleýmettik-ınfraqurylymdyq damýyna 20 mln AQSh dollary bólinedi», - dedi Energetıka mınıstri halyq aldynda esep berý kezdesýinde.

 

 

Sońǵy jańalyqtar