27 Sáýir 2018, 21:59 4213 0 Oqshantaı Dınara MYŃJASARQYZY

Salaýatty ómir saltyn býklet taratýmen nasıhattaýdy doǵarý qajet

QR Densaýlyq saqtaý mınıstri Eljan Birtanov salaýatty ómir saltyn nasıhattaý boıynsha áleýmettik marketıng tásilderin synǵa aldy, dep habarlaıdy QazAqparat tilshisi.

«Bólingen qarjyny eshkimge qajeti joq býkletter men qaǵaz materıaldarǵa jumsaısyzdar. Bizdiń maqsatty tobymyz - jastar, balalar men olardyń ata-analary. Olardyń densaýlyqtaryn nyǵaıta túsýimiz kerek. Olar qazir túrli aqparat kózderin paıdalanady. Al sizderde sol baıaǵy býkletter», - dedi Birtanov mınıstrlik alqasynyń keńeıtilgen otyrysynda Ulttyq salaýatty ómir saltyn qalyptastyrý ortalyǵynyń basshylyǵyna. Mınıstr ınternet pen áleýmettik jelilerde salaýatty ómir salty ıdeıasyn nasıhattaý men usynymdardy jarııalaýǵa kóp shyǵyn ketpeıtinin basa aıtty. «Bul baǵytta jumys istep jatyrmyz. Áleýmettik jelide - Instagram men Feısbýktaǵy jazylýshylarymyz kóbeıip keledi. Júgirýge, qadamdardy sanaýǵa, aǵzadaǵy sý teńgerimin baqylaýǵa arnalǵan mobıldik qosymshalardy engizdik. Olardy júktep alsa jetkilikti», - dep jaýap berdi mınıstrge Ulttyq salaýatty ómir saltyn qalyptastyrý ortalyǵynyń dırektory Jámılá Battaqova.

Sońǵy jańalyqtar