24 Naýryz 2018, 01:28 3647 0 Bilgenge marjan Dınara MYŃJASARQYZY

Úndistanda eń bıik eskertkish boı kóterdi

Úndistanda adamzat tarıhyndaǵy eń bıik eskertkish boı kóterdi. Úndistan táýelsizdigi jolynda kúresken qoǵam qaıratkeri Vallabhaı Patelge Nıý-Iorktegi áıgili Azattyq músininen eki ese bıik eskertkish ornatylyp jatyr, dep habarlaıdy QazAqparat National Geographic-ke silteme jasap.

Alyp músin Gýdjarat shtatyndaǵy Vardodara qalasynyń mańynda, jasandy kóldiń ortasynan boı kóterdi. 2014 jyly bastalǵan qurylys jumystary aıaqtalý qarsańynda. Ol qazirgi eń bıik eskertkish - Qytaıdyń Henan provınııasyndaǵy 128 metrlik Býdda músininen 54 metr bıik bolady. Músinniń ózi 182 metr, al tuǵyrymen qosqandaǵy bıiktigi 240 metrge jetedi. Oǵan 5700 tonna bolat, 18500 tonna temir armatýra, 75000 tekshe metr beton jáne 22500 tonna qola tabaq paıdalanyldy.   Quny 320 mln AQSh dollaryn quraıtyn jobany qolǵa alǵan Michael Graves Architecture & Design kompanııasy ókilderiniń aıtýynsha, qurylys jumystary úzilissiz júrgizilip, bıyl tapsyrylady.

Sońǵy jańalyqtar