19 Naýryz 2018, 15:27 1881 0 Tehnologııalar Anar LEPESOVA

Elimizde kıberqaýipsizdik mamandyqtaryna granttar kóbeımek

Elimizde kıberqaýipsizdik baǵytyndaǵy mamandardyń sanyn arttyrýǵa kóńil bólinbek. Májiliste bilim salasyndaǵy ıfrlandyrý taqyrybyndaǵy Úkimet saǵatynda QR Bilim jáne ǵylym mınıstri Erlan Saǵadıev osy baǵytta atqarylyp jatqan jumystarǵa toqtaldy.

«Biz stýdentterdi «Kıberqaýipsizdik» baǵyty boıynsha oqyta bastadyq. Bul - jańa baǵyt. Jyl saıyn granttardy kóbeıtetin bolamyz. Jalpy búgin bizdiń aldymyzda kadr daıyndaý boıynsha eki mindet tur. Onyń birinshisi - IT-mamandyǵy boıynsha kadr daıyndaý bolsa, ekinshisi, bizdiń oıymyzsha, basqa mamandyqtarda oqıtyn stýdentterdiń IT saýattylyǵyn kóterý», - dep atap ótti mınıstr.

Saǵadıevtiń aıtýynsha, bul baǵyt boıynsha ótken jyldan bastap respýblıkanyń búkil ýnıversıtetterinde barlyq mamandyqtardyń stýdentteri 3 kredıt kóleminde «Aqparattyq-kommýnıkaııalyq tehnologııalar» pánin oqı bastady. Sonymen qatar «Bolashaq» arqyly IT baǵyty boıynsha mamandar daıyndalady. Shamamen, 1000 stýdent oqýdy aıaqtady, bul «Bolashaq» baǵdarlamasy túlekteriniń 10 paıyzyn quraıdy.  Olardyń barlyǵy Ulybrıtanııanyń, Amerıkanyń, Malaızııanyń, Kanadanyń, Sıngapýrdyń jáne taǵy basqa elderdiń úzdik ýnıversıtetterinde oqyp, solardyń kóbi memlekettik organdarda, IT-kompanııalarda, ýnıversıtetterde jumys isteıdi.

 

Sońǵy jańalyqtar