19 Sáýir 2017, 23:53 1769 0 Nur Otan Anar LEPESOVA

Baspanaly bolý – basty arman

«Nur Otan» partııasy Qyzylorda oblystyq fılıaly janyndaǵy partııalyq baqylaý komıssııasynyń músheleri «Qoljetimdi baspana – 2020» baǵdarlamasy halyqqa qanshalyqty tıimdi?» degen taqyrypta «Araı-2», «Araı-3» yqshamaýdandarynyń turǵyndarymen júzdesti.

Kezdesýge komıssııa múshelerimen birge, oblystyq partııa fılıaly qoǵamdyq qabyldaý bóliminiń meńgerýshisi Maqsut Baekeev, zańger-keńesshi Sábıtbek Alshynbekov jáne Qyzylorda qalalyq turǵyn úı-kommýnaldyq sharýashylyǵy jáne turǵyn úı ınspekııasy bóliminiń basshysy Qaırat Absultanov qatysty.

Qyzylorda qalalyq turǵyn úı-kommýnaldyq sharýashylyǵy jáne turǵyn úı ıns­pekııasy bóliminiń basshysy Qaırat Absultanovtyń aıtýynsha, naqty kezeńde Qyzylorda qalasy boıynsha turǵyn úıge muqtaj 21593 otbasy kezekte tur. Ótken jyly «Óńirlerdi damytýdyń – 2020» baǵdarlamasy boıynsha Qyzylorda qalasyna qarasty Tıtov yqshamaýdanynan jas otbasylarǵa arnalǵan 180 páterli 3 turǵyn úı, «Qoljetimdi baspana – 2020» baǵdarlamasy aıasynda 2015 jyly 240 páterdi quraıtyn 5 ıpotekalyq úı «Turǵyn úı qurylys jınaq banki» arqyly, onan bólek, kommýnaldyq turǵyn úı qorynan 120 páter, «Nurly jol» baǵdarlamasy boıynsha 350 páterlik 7 turǵyn úıdiń kilti tabystalǵan.

«Turǵyn úı alý kezegine tirkelgen azamattardyń kezek rettiligi qala ákimdiginiń resmı veb-saıtynda jańalanyp otyrady. Aldaǵy ýaqytta da azamattar sondaǵy rettilik boıynsha pátermen qamtylatyn bolady», – deıdi bólim basshysy Qaırat Absultanov.

Kezdesý barysynda komıssııa múshelerimen suhbattasqan turǵyndar Elbasynyń halyqty baspanamen qamtý baǵytyndaǵy barlyq baǵdarlamalaryn tolyq qoldaıtyndyqtaryn jáne olardyń turǵyndar úshin tıimdi ekenin aıtty.

Máselen, Abzal Jumabaıdyń birden páter alýǵa qarjysy bolmaǵan. Búginde ol «Turǵynúıqurylys jınaq banki» arqyly baspanaly bolyp otyr. «Nesıeni 20 jylǵa aldym. Aılyq jalaqymnan tólep otyrmyn. Eń bastysy – baspanam bar, qalǵany óz retimen bolyp jatyr», – deıdi ol.

Nurotandyqtar kezdesý sońynda jurttyń usynys-tilekterin tyńdap, suraqtaryna tolyqqandy jaýap berdi.

Sońǵy jańalyqtar