6 Sáýir 2017, 10:46 1590 0 Nur Otan Anar LEPESOVA

Naýqas balalar qamqorlyqsyz qalmaıdy

«Nur Otan» partııasy Pavlodar oblystyq fılıaly tóraǵasynyń birinshi orynbasary Ilıa Terenchenko bastap, Pavlodar oblystyq máslıhatynyń depýtaty Elına Paýlı, qalalyq máslıhat depýtattary Náılá Ahmetova, Vıacheslav Knýtas qostaǵan partııa músheleri aýtızmmen aýyratyn balalarǵa arnalǵan ortalyqta boldy. Nurotandyqtar aýyr syrqatpen aýyratyn balalardyń ata-analarymen tildesip, muń-muqtajyn tyńdady.

Pavlodardaǵy aýtızmmen aýyratyn balalarǵa arnalǵan ortalyq ótken jyly  partııa oblystyq fılıalynyń tóraǵasy, oblys ákimi Bolat Baqaýovtyń tikeleı qoldaýymen ashylǵan bolatyn. Dál bir jyl buryn osyndaı ótinishpen «Altyn bata» QQ dırektory Elena Stelvaga men Aýtıst balalar ata-analary qaýymdastyǵynyń basshysy Damıra Ábdirahmanova «Nur Otan» partııasy Pavlodar oblystyq fılıalynyń tóraǵasy, oblys ákimi Bolat Baqaýovtyń qabyldaýyna kelgen edi.Oblystyq partııa uıymynyń basshysy ata-analardyń ótinishin qabyl alyp, erekshe balalarǵa arnalǵan ortalyq ashý jóninde tapsyrma berdi. Atalǵan ortalyq – Almaty men Qaraǵandydan keıingi Qazaqstanda ashylǵan úshinshi mekeme. Ortalyqta kún saıyn 50 ana men bala jattyǵa alady.

Búginde ortalyqta 25 otbasy jattyǵýda. Mekeme birneshe aı buryn ashylǵanyna qaramastan, mundaǵy balalar birqatar jetistikterge jetip úlgergen. Aıtalyq, balalar Qaraǵandyda ótken ınklıýzıvtik sporttan alǵashqy jarys kezinde birneshe júldemen oraldy.

– Balamen únemi qarym-qatynasta bolý kerek. Kóp nárse ata-analarǵa baılanysty. Munda biz balalardy aýtızm jaǵdaıynan shyǵarýǵa ter tógýdemiz. Álemdik tájirıbede oń mysaldar barshylyq, – dedi D.Ábdirahmanova.

Al I.Terenchenko kezdesý barysynda ata-analar aıtqan ótinishterdiń barlyǵy  nazardan tys qalmaıtynyn jetkizdi.  «Byltyrǵy jyldyń sáýir aıynda partııa oblystyq fılıalynda ótken qabyldaýlardyń birinde fılıal tóraǵasy Bolat Jumabekuly ata-analardyń ótinishin qabyl alyp, arnaıy ǵımarat bóldi. Jazǵy kezde munda jóndeý jumys­tary júrgizilip, ortalyq qarasha aıynda ashyldy. Ata-analarmen ótken búgingi suhbat kezinde birneshe ótinish kelip tústi. Olardy baqylaýǵa alyp, sheshýge tyrysamyz», – dedi ol.

Tegter Balalar aýtızm

Sońǵy jańalyqtar