9 Qyrkúıek 2016, 14:32 3233 0 Rýhanııat Dınara MYŃJASARQYZY

«Jyldyń úzdik akteri» belgili boldy

Ońtústik Koreıanyń Seýl qalasynda ótip jatqan halyqaralyq kınofestıvalde M.Áýezov atyndaǵy Qazaq Memlekettik akademııalyq teatrynyń akteri Azat Seıtmetov kınorejısser Asqar Uzabaevatyń «Áke» telehıkaıasyndaǵy áke roli úshin qazylar alqasynyń sheshimimen «Jyldyń úzdik akteri» nomınaııasynda jeńimpazy atandy.

Seıtmetov Azat Raıymbekuly – teatr jáne kıno akteri. 1964 jyly 14 qyrkúıekte Almaty qalasynda akterler otbasynda dúnıege kelgen. 1985 jyly T.Júrgenov atyndaǵy Almaty teatr ýchılıesin támamdaǵan. M.Áýezov atyndaǵy Qazaq Memlekettik akademııalyq teatrynyń akteri.

Juldyzy ońynan týǵan akter buǵan deıin de «Qazaqstan» RTRK» AQ tapsyrysymen túsirilgen jáne ulttyq arnada kórsetilgen «Aınalaıyn» (2010 jyl), «Uljan» (2013 jyl), «Shyrǵalań» (2015 jyl) teleserıaldarynda rólderdi oınaǵan.

Seoul International Drama Awards – televızııalyq fılmder men akterlerdiń, sondaı-aq, túsirilim qyzmetkerleriniń jyl saıyn ótetin báıgesi. Baıqaýda Qytaı, AQSh, Japonııa, Brazılııa, Túrkııa, Ulybrıtanııa sııaqty eldermen qosa, álemniń 50-den astam memleketiniń ókilderi baq synady. «Seoul International Drama Awards» festıvalinde ár eldiń serıal janryndaǵy jahandyq jáne áleýmettik máselelerdi qamtıtyn úzdik jumystary sarapqa salyndy.

Sońǵy birneshe jylda «Qazaqstan» ulttyq arnasynyń tapsyrysymen birqatar teleserıaldar túsirilgeni belgili. Ulttyq telearna «Áke» serıalyn 2016 jyldyń kókteminen beri kórermen nazaryna usynyp keledi.

Qapııada jiberip alǵan qatelikterimen kúresip, balalarymen aradaǵy qarym-qatynasyn túzeýge tyrysqan áke taǵdyryn baıandaıtyn bul fılm kınosynshylar men telekórermenderdiń joǵary baǵasyna ıe boldy.

Halyqaralyq kınofestıvaldiń marapattaý saltanatynda qazaq akteri Azat Seıtmetov: «Osy festıvalge kelgenime óte qýanyshtymyn! Qazaqstan bul festıvalge tuńǵysh ret qatysyp otyr. Festıval uıymdastyrýshylary men qazylar alqasynyń osy atalymda meni tańdaǵanyna sheksiz rızamyn. Bul – bizdiń túsirilim toby úshin úlken mártebe. Eńbegimizdi baǵalaǵandaryńyz úshin myń alǵys. Júldemdi ákeme arnaımyn. QR Baılanys jáne aqparat mınıstrligi men «Qazaqstan» teleradıokorporaııasyna, serıal avtory jáne rejısseri Asqar Uzabaevqa alǵysym sheksiz», – dedi.

 

Sońǵy jańalyqtar