2 Sáýir 2015, 16:04 3460 0 Suhbat "Túrkistan" gazetiniń avtorlary

Aleksandr Koreshkov: «Barys» pen Qazaqstan quramasy birlesip ter tógedi!

Aleksandr Koreshkov,  «Barys» hokkeı klýbynyń prezıdenti
Aleksandr Koreshkov, «Barys» hokkeı klýbynyń prezıdenti

Jaqynda «Barys» hokkeı klýbynyń prezıdenti bolyp Aleksandr Koreshkov  taǵaıyndaldy. Ol Qazaqstanda ǵana emes, shetelge de tanymal ári  bedeldi  tulǵa. Aleksandr qatysqan Qazaqstan komandasy Qazaqstan, Reseıdiń birneshe dúrkin chempıony, Eýrolıganyń jeńimpazy, Eýropa sýperkýboginiń ıegeri atandy. Aleksandar Koreshkov Qazaqstannyń qurama komandasynyń sapynda álem chempıonaty men Olımpıada oıyndaryna da qatysty. Sońǵy jyldary qazaqstandyq hokkeı federaııasynda otandyq komandalardy halyqaralyq jarystarǵa qatysýǵa ázirledi. Qazaqstannyń eresekter men jasóspirimder qurama komandalarynyń bas menedjeri bolyp tabylady.

 - Aleksandr Gennadevıch, Sizdi jańa qyzmetińizben quttyqtaımyn! «Barys» hokkeı klýbynyń prezıdenti bolyp taǵaıyndalǵasyn ózińizdi qalaı sezinesiz?

- Bul baı dástúri bar klýbty basqarý asa zor jaýapkershilik júkteıdi. Bul árıne «Barys» komandasy ǵana emes, «Qar barysy», «Nomad», «Tomırıs»  qyzdar komandasy jáne balalar men jasóspirimderdiń sport mektebi bar. Iaǵnı, Qazaqstannyń  barlyq jastaǵy oıynshylaryn qurama komandaǵa daıarlaıtyn hokkeı organızmi dep ataýǵa bolady. Men Qamqorshylar  keńesine osyndaı senim bildirgeni úshin alǵysymdy bildirip, olardyń senimin aqtaýǵa bar kúshimdi salamyn.

- Sizdiń aldyńyzǵa klýbty damytý jóninde naqty tapsyrma berildi me, álde, barlyq komandalardyń quramy anyqtalyp, oǵan kiretin oıynshylar jasaqtalǵan soń belgili bola ma?

 - Siz durys aıtasyz. Ázirge «Barys» týraly naqty tapsyrma bolǵan joq. Bastysy, kez- kelgen jetekshi sekildi men de aldymen klýbtyń ishindegi daý-damaıdy boldyrmaı, olardyń daıyndyǵyna qolaıly ahýal ornatýym kerek. Biz barlyǵymyz bir mehanızm retinde nátıjege jumys isteýimiz qajet.Qazir qarańyz, hokkeıshilerge barlyq jaıly jaǵdaılar jasalǵan. Biz oıynshylardyń osyndaı turmystyq jaǵdaıy týraly armandaǵan bolatynbyz. Qazir, elimizdiń basshysynyń oń kózqarasyna baılanysty hokkeıge qyzyǵýshylyq artyp, hokkeı sporty jaqsy damyp keledi.

Qazaqstanda hokkeı barlyq óńirlerde damyp keledi. Hokkeı modýldary men saraılary salynýda. Astana jańa arenasy 12 myń adamdy qabyldaı alady. Barlyq dárejedegi halyqaralyq jarystardy qajet bolsa, Olımpıadalyq oıyndardy da ótkizýge qabiletti. Bastysy, shaıbaly hokkeı federaııasynyń kúshimen klýbtarǵa kópshiliktiń qyzyǵýshylyǵy óz jemisin bere bastady.

-  «Barys» tártibimen Qazaqstannyń qurama komandasy saqtala ma?

- Sóz joq. Basqasha bolýy múmkin emes. «Barys» pen Qazaqstan qurama komandasy ajyramaıtyn birtutas organızm. Bizge qazir basqasha jol joq. Bizge ulttyq komandanyń hokkeıshileri joǵary dárejeli tájirıbe jınaqtaǵany kerek. Buǵan halyqaralyq hokkeı klýby dál kelip tur.

- Sizdiń Qazaqstannyń qurama komandasynyń bas menedjeri mindetińiz sol kúıinde qaldy ma?

- Joq, men ol mindetimdi de atqaramyn.Aldaǵy álem chempıonatyna daıyndyq birazdan beri júrip jatyr. Sáýirdiń tórtinen bastap hokkeıshiler oqý jattyǵýlaryna kirisedi. Qazir bizdiń aldymyzda barynsha ońtaıly ári keńeıtilgen quram jınaý tapsyrmasy tur. Bapkerler shtaby kimderdiń qalyp, kimderdiń ótetindigin tańdaı alatyn múmkindigi bolýy kerek. Bizdiń josparymyzsha, «Barys» hokkeıshilerinen basqa, bizge Óskemennen bes adam, Pavlodardan tórt oıynshy, Qaraǵandydan bes, Rýdnyıdan bir oıynshy qosylatyn túri bar.

- Sońǵy kezderi baspasózde  «Baryspen» jańa kelisimderdiń jasalmaýyna baılanysty barlyq qazaqstandyq hokkeıshiler qurama komanda qatarynda bara almaıdy degen qaýeset tarady. Bul jóninde ne deısiz?

- Qandaı jaǵdaı bolǵanyn qarańyz. Jigitterdiń kelisimi sáýirdiń 30-yna deıin jaramdy. Sondyqtan da, «Barys» aldymen Qazaqstannyń qurama komandasyna kiretin oıynshylardyń jaıyn qaraıdy. Osyǵan baılanysty, men qazaqstandyq oıynshylarmen kelisimdi álem chempıonatynan keıin jasaý kerek degen pikirdi ustanamyn. Ol sáýirdiń 25-inde aıaqtalady. Onyń syrtynda, ár oıynshy elimizdiń hokkeı komandasynyń qurasynda oınaǵandy úlken dáreje dep sanap, saýdalaspaýy tıis.

- Birinshi basshynyń aýysýyna baılanysty klýbta túbegeıli ózgerister bola ma?

- Túbegeıli ózgerister bolmaıdy. Búgin men eń aldymen «Barys» klýbynyń ujymymen tanysamyn. Kim ári qaraı jumys jasaǵysy kelse, sony anyqtaımyn. Maǵan klýbtyń jumysyn barynsha nátıjeli etip uıymdastyrý men kommerııalyq múmkindigin kóterý tapsyryldy. Oǵan qosa jańa maýsymda klýb 12 myń adamdyq muz aıdynynda oıyn kórsetedi.

- «Barys» klýbynyń negizgi komandasy jaıyna qaıta oralalyq. Oıynshylardyń kópshiliginiń kelisimi sáýirdiń 30-ynda kúshin joıady. Osyǵan baılanysty, kimder qalyp, kimder shyǵatyny belgili boldy ma?

- Maǵan jaǵdaıdy bilip alýym úshin, azdaǵan ýaqyt kerek. Men kimdermen kelisim merzimi aıaqtalatynyn bilemin. Maǵan ol jigittermen aqyldasyp, árbir úmitker týraly bapkerler shtabynyń pikirin bilip, qamqorlyq keńesimen kelisip, sosyn sheshim qabyldaımyz. Meniń oıymsha, Qazaqstan qurama komandasy sapynda tabysty oıyn úlgisin kórsetý negizgi kórsetkish bolyp tabylady.

- Qazaqstannyń qurama komandasyna kirmeıtin eki hokkeıshiniń jaıyna jankúıerler alańdaıdy. Olar  Naıdjel Doýs ı Ian Lao. Bul ekeýi týraly ne aıta alasyz?

- Taǵy da qaıtalap aıtamyn, maǵan barlyq jumysty qabyldap alýǵa ýaqyt kerek. Ázirge bul máseleniń basy ashyq. Taǵy da qaıtalap aıtamyn, barlyǵy meniń ǵana pikirime baılanysty emes.  Ǵalamdyq, ulttyq sporttyq joba retinde «Barys» týraly sheshim alqaly túrde, ashyq sheshilýi tıis. Bapkerlik shtabtyń pikiri eskeriledi. Qamqorlyq keńesiniń otyrysy ótkiziledi. Sodan keıin baryp árbir oıynshy jóninde sheshim shyǵarylady.

- Siz taıaý arada Qazaqstannyń qurama komandasy aıasynda bas menedjer retinde ulttyq komandanyń bas bapkeri Andreı Nazarovpen birge jumys jasaısyz. Ol týraly pikirińiz qandaı?

- Andreı Nazarov óte tájirıbeli maman. Onyń hokkeıdegi ómirbaıany baı ári qyzyqty. Ulttyq qurama komandada kóp oınady. Bapkerlik tájirıbesi de joǵary. Reseı qurama komandasynyń shtabynda da boldy. Klýbtyq deńgeıdegi jumys nátıjesi jemisti. Meniń oıymsha, Andreı Nazarovpen Qazaqstannyń qurama komandasynda ǵana emes, «Barysta» da birgemiz. Taǵy da qaıtalaımyn: «Barys»pen Qazaqstannyń qurama komandasynyń ara jigi ashylmaıdy. Biz barlyǵymyz tabandy túrde nátıjege jetý úshin ter tógemiz. Buǵan qazaqstandyq jas oıynshylardy belsendi túrde tartý qajet.

- Jankúıerler Qazaqstan quramasyn jas oıynshylarmen tolyqtyrý týraly kóp aıtady. Osy týraly pikirińiz?

- Qazaqstannyń qurama komandasy óte joǵary meje qoıyp otyr. Qandaı match bolsa da, basty maqsat - tek jeńiske jetý. Komandany jastarmen tolyqtyrý máselesi kún tártibinde tur. Qazirdiń ózinde bizde jasóspsirimder men jastar, stýdentter arasynda jaqsy oıyn úlgisin kórsetip júrgender barshylyq. Bizde rezerv bar. Ony tolyqtyra túsý kerek.

Eskendir Ertaev

 

Sońǵy jańalyqtar