7 Sáýir 2015, 09:24 2790 0 Ekonomıka Erkejan JUMATAI

Sońǵy 20 jyldyń ishinde barlanǵan ken oryndary joqtyń qasy

Táýelsizdik alǵannan bergi 20 jyldyń ishinde barlanǵan ken oryndary joqtyń qasy. Paıdalanyp otyrǵan ken oryndary búginde tozýǵa aınalǵan ári ónim sapasy da jyldan-jylǵa nasharlap barady. Osy máseleni eskergen Memleket basyndaǵylar atalmysh salaǵa bıylǵy 2015 jyly 3,2 mlrd teńgeden astam qarajat bólip otyr. QR ınvestıııalar jáne aımaqtyq damý mınıstri Áset Isekeshov:

«Sońǵy eki-úsh jylda geologııalyq barlaýdy damytý boıynsha keshendi is-sharalar qolǵa alyndy, arnaıy baǵdarlama ázirlendi. Qazir salaǵa halyqaralyq standarttardy endirý boıynsha jumys júrgizilýde. Qazba baılyqtary týraly zań qabyldandy, ol bıylǵy jyldan kúshine endi. Zań negizinen qatty paıdaly qazbalardy qamtıdy, kóptegen máseleler munaı-gaz salasyna qatysty. Zańnyń aıasynda ashyq mehanızm – aýkıondar engizilýde, geologııalyq barlaý kelisimin alý merzimi 18 aıdan 25 kúnge deıin jáne saraptamalar 60 paıyzǵa qysqartyldy», – dep habarlaıdy. Mınıstr atap ótkendeı, 2015 jyly respýblıkalyq bıýdjet pen Ulttyq qordan 3 mlrd 260 mln teńge munaı jáne gaz boıynsha jańa izdeý jumystaryn qarjylandyrýǵa baǵyttalady. Mınıstrdiń sózine sensek, memleket esebinen qarjylandyrylatyn jumystar ınvestorlardy tartý qıyndyq týdyratyn az zerttelgen aýmaqtarda júrgiziletin kórinedi.

Sońǵy jańalyqtar