29 Qyrkúıek, 18:08 298 0 Jahan Anar LEPESOVA

COVID-19: Reseılik oqýshylar eki aptalyq demalysqa jiberiledi

Koronavırýs juqtyrý derekteriniń artýyna baılanysty reseılik oqýshylar eki aptalyq demalysqa jiberiledi. Bul týraly Máskeý meri Sergeı Sobıanın málimdedi.

Qala basshysynyń resmı saıtynda jarııalanǵan aqparatqa súıensek, oqýshylar 5-18 qazan aralyǵynda demalady. Ádette Reseı mektepterinde kúz aıyndaǵy demalys bir aptaǵa sozylatyn.

18 qazanǵa deıin qashyqtan oqytý da toqtatylady. Qosymsha bilim berý mekemeleri de eki apta jumys istemeıdi. Al balabaqshalardyń jumys ýaqyty ózgermeıdi.

Jergilikti aqparat quraldarynyń habarlaýynsha, koronavırýs indetin juqtyrǵandar sanynyń kóbeıýine baılanysty Reseı úkimeti karantın sharalaryn engizý máselesin qarastyrýda. Eger bir táýlik ishinde 10 myńnan astam adamnan indet anyqtalsa jáne jańa naýqastar sany jazylǵandardan kóp bolsa, elde karantın qaıta engizilmek.

Ótken táýlikte Reseıde 8232 adamnan koronavırýs anyqtaldy. Al pandemııa bastalǵaly 1 167 805 adam indet juqtyrdy. 952 399 adam emdelip shyqsa, derti asqynǵan 20 545 naýqas qaıtys boldy.

Sońǵy jańalyqtar