29 Qyrkúıek, 17:40 370 0 Jahan Anar LEPESOVA

Qarjydan qysylǵan áýe kompanııasy óz ushaqtaryn meıramhanaǵa aınaldyrmaq

Singapore Airlines áýe kompanııasy «baǵytsyz reıster» tájirıbesinen bas tartyp, pandemııa saldarynan týyndaǵan ekonomıkalyq daǵdarys kezinde óziniń qarjylyq jaǵdaıyn jaqsartý úshin áýede emes, jerde qyzmet kórsetý joldaryn qarastyrýda. Atap aıtqanda, ushaq bortyn meıramhanaǵa aınaldyrý kózdelip otyr, dep habarlaıdy Straits Times

Buǵan deıin sıngapýrlyq kompanııa «baǵytsyz reıster» engizilgenin habarlaǵan edi. Áýege kóterilgen ushaqtar kókte 3 saǵat qalyqtaǵannan keıin ushyp shyqqan áýejaıyna qaıta oralatyn. Barar jeri belgilenbegen ushaqqa otyrǵan jolaýshylar áýedegi 3 saǵattyq saıahat úshin tıisti aqysyn tóleıdi. Bul bastamanyń maqsaty – koronavırýs saldarynan tyǵyryqqa tirelgen kompanııanyń ekonomıkalyq daǵdarystan shyǵýyna kómektesý.

Alaıda qarjylyq aspektiler men ekologııalyq qaýip-qaterler baǵalanǵan saraptama nátıjesinen keıin Singapore Airlines «baǵytsyz reısterden» bas tartýdy jón kóripti.

Aldaǵy ýaqytta kompanııa jerde qyzmet kórsetýge kóshpek. Jańa usynystardyń arasynda Airbus A380 áýe kemesiniń bortynda túski as ishý múmkindigi de bar. Sondaı-aq, kompanııanyń oqý nysandaryna ekskýrsııa uıymdastyrý, birinshi jáne bıznes-klass mázirindegi borttyq taǵamdardy úıge jetkizý qyzmetteri usynylmaq.

Sońǵy jańalyqtar