29 Qyrkúıek, 17:20 259 0 Jańalyqtar Asyl TUMAR

Elbasy Shymkenttegi medıınalyq qural-jabdyqtar shyǵaratyn kásiporynda boldy

Qazaqstannyń Tuńǵysh Prezıdenti Nursultan Nazarbaev Shymkent qalasynda medıınalyq qural-jabdyqtar, medıınalyq jıhazdar men medıınalyq kólikter shyǵaratyn kásiporynda boldy.

Elbasynyń resmı saıtynyń málimetinshe, 2013 jyldan bastap qazirgi ýaqytqa deıin «Kazmedprıbor» JShS 15 myńnan astam medıınalyq qural-jabdyq, 120 myńnan astam medıınalyq jıhaz ben 742 jedel járdem kóligin jasap shyǵardy.

Kásiporyn 2005 jyly qurylǵan. Shymkent qalasynyń ákimi M.Áıtenov Elbasyǵa jeke ınvestordyń qarajatyna salynatyn 1000 oryndyq kópsalaly ýnıversıtettik aýrýhana qurylysy týraly aqparat berdi.

Jańa medıınalyq mekemede ana men bala ortalyǵy, hırýrgııalyq, terapevtik ortalyqtar, sonymen qatar bir aýysymda 700 adamǵa qyzmet kórsetetin klınıkalyq-dıagnostıkalyq ortalyq jumys isteıtin bolady dep josparlanyp otyr.

Sondaı-aq «Samuryq-Qazyna» akıonerlik qoǵamynyń basqarma tóraǵasy A.Esimov pandemııa kezinde ulttyq ál-aýqat qory tarapynan densaýlyq saqtaý júıesi men otandyq óndirýshilerdi qoldaý úshin qabyldanǵan sharalar týraly aıtty.

Sonymen qatar Nursultan Nazarbaevqa elorda men Almatyda medıınalyq ortalyqtar salý jónindegi tapsyrmanyń oryndalý barysy baıandaldy. A.Esimov Elbasyna 3000 dana kóleminde «Avıfavır» dárisin satyp alý jáne koronavırýsqa qarsy vakına jetkizý boıynsha jasalǵan kelisim týraly málimet berdi.

«Kazmedprıbor» JShS shyǵaratyn negizgi ónim túrleri: medıınalyq mashınalar; ókpeni jasandy jolmen tynystandyratyn apparattar (týrbınalyq, neonataldyq, portatıvtik); paıentterge arnalǵan monıtorlar; elektrokardıografııa apparaty; zerthanalyq shkaf; fýnkıonaldy kereýetter jáne t.b. Óndiristik qýat kólemi: medıınalyq qural-jabdyq – jylyna 50 myń dana; medıınalyq jıhaz – jylyna 150 myń dana; medıınalyq kólik – jylyna 1000 dana.

Sonymen qatar ónimniń jańa túrleri – ókpeni jasandy jolmen tynystandyratyn týrbınalyq apparat, jańa týǵan nárestelerge arnalǵan ınkýbator, jańa týǵan nárestelerge arnalǵan ókpeni jasandy jolmen tynystandyratyn apparattar shyǵarady. Qazaqstandyq qamtý úlesi 51,2-ten 98 paıyzǵa deıin.

 

Sońǵy jańalyqtar