29 Qyrkúıek, 16:57 296 0 Jańalyqtar Asyl TUMAR

«Nur Otan» partııasy praımerızdiń taza, ashyq ári adal báseke bolýyn qamtamasyz etedi

«Nur Otan» partııasynyń praımerızine qatysyp jatqan 734 kandıdat saıası dodany jalǵastyrmaıdy. Bul týraly partııa hatshysy Álibek Áldeneı óziniń Facebook-paraqshasynda jazdy.

Onyń aıtýynsha, partııaishilik saılaýdy barynsha ashyq ári ádil ótkizý úshin qatań baqylaý ornatylǵan.

«Praımerız erejesin jáne talaptaryn buzǵan qatysýshylar partııaishilik saılaýdan shyǵaryldy. 29 qyrkúıektegi jaǵdaı boıynsha 734 kandıdat praımerızge qatyspaıdy. Onyń 668-i óz qalaýymen bas tartsa, 27 úmitker debatqa qatysýdan bas tartqany úshin shettetildi. Taǵy 4 kandıdat partııa Jarlyǵynyń talaptaryn buzyp, ádiletsiz saıası kúres júrgizgen. 33 qatysýshynyń kandıdatýrasyn bastaýysh partııa uıymdary keri qaıtardy», – dep jazdy partııa hatshysy.

Á.Áldeneı árbir shaǵym men aryz muqııat tekserilip, ereje buzǵan jaǵdaı tirkelse shuǵyl shara qoldanylatynyn aıtty.

Sońǵy jańalyqtar