29 Qyrkúıek, 13:44 10110 0 Jańalyqtar Asyl TUMAR

Nur-sultanda qatań karantın sharalary qaıta kúshine enýi múmkin

Nur-Sultan qalasynyń bas sanıtarlyq dárigeri Janna Pralıeva koronavırýsqa qatysty talaptar saqtalmasa, onda qatań karantındik sharalardyń qaıta qabyldanýy múmkin ekenin aıtty.

«Esepti kezeńde farmaevtıkalyq kompanııalar qyzmetiniń monıtorıngi nátıjeleri boıynsha 102 sýbekt tirkelmegen dárilik preparatty satý jáne dári-dármekterge belgilengen shekti ruqsat etilgen baǵadan asyp ketý faktileri boıynsha ákimshilik jaýapkershilikke tartyldy», – dedi ol baspasóz máslıhatynda.

Sonymen qatar ol dárigerler men mamandar birneshe ret turǵyndardy betperde taǵý, áleýmettik qashyqtyqty saqtaý, adamdar kóp jınalatyn jerlerge barýdy shekteý týraly qarapaıym talaptardy oryndaýǵa úndeý jasaǵanyn atap ótti.

«Biraq bárimiz kórip otyrǵanymyzdaı, bul talaptar elenbeıdi jáne saqtalmaıdy. Eger osylaı jalǵasa berse, jalpy qala boıynsha KVI aýrýynyń ósýine ákelýi múmkin. Biz belgili bir qyzmet túrlerin toqtata otyryp, qatań shekteý jáne karantın sharalaryn qaıta engizýge májbúr bolamyz. Osyǵan baılanysty taǵy da qala turǵyndary men qonaqtaryn shydamdylyqqa, sanıtarlyq erejelerdi saqtaýǵa shaqyramyn. Sebebi vırýstyń taralýy jalǵasýda», –dedi Pralıeva.

 

Sońǵy jańalyqtar