29 Qyrkúıek, 10:45 385 0 Jańalyqtar Asyl TUMAR

Qazaqstanda 16 myńnan astam sheteldik azamat jumys istep júr

Eńbek jáne halyqty áleýmettik qorǵaý mınıstrliginiń habarlaýynsha, 2020 jyldyń 1 qyrkúıegindegi jaǵdaı boıynsha Qazaqstanda sheteldik jumys kúshin tartýǵa 16 myń 378 ruqsat bar.

Shetelden jumys kúshin tartý ruqsaty 637-si birinshi sanatqa (basshylar men olardyń orynbasarlary), 3481-i ekinshi sanatqa (qurylymdyq bólimshelerdiń basshylary) berilgen.

Shetelden maman tartýǵa arnalǵan ruqsattardyń basym bóligi úshinshi (mamandar) jáne tórtinshi (bilikti jumysshylar) sanattarǵa qatysty bolyp otyr, tıisinshe 7617 adam jáne 1153 adam.

Sondaı-aq, maýsymdyq jumystarǵa – 1792, korporatıvishilik aýystyrý sheńberinde 1698 adam tartylǵan.

Qazirgi ýaqytta Qazaqstanda shet elden jumys kúshin tartatyn 1803 jumys berýshi bar. Olarda 454 379 myńǵa jýyq Qazaqstan azamaty jumys isteıdi, bul jalpy jumysshylar sanynyń 96%-yn quraıdy.

Eńbek mıgranttarynyń negizgi shyqqan elderi: Qytaı – 3579 adam, Ózbekstan – 1774, Túrkııa – 1 661, Úndistan – 1266 jáne Ulybrıtanııa – 1081.

 

Sońǵy jańalyqtar