26 Qyrkúıek, 14:43 1724 0 Jańalyqtar Asyl TUMAR

Birqatar jolaýshylar poıyzynyń kestesine ózgeris endi

Elimizde keıbir jolaýshylar poıyzdarynyń júrý mezimdiligi arttyryldy, – dep habarlaıdy «Jolaýshylar tasymaly» AQ baspasóz qyzmeti.

Atap aıtqanda, tómende kórsetilgen jolaýshylar poıyzdarynyń júrý merzimdiligi artty:

1) №1/2 «Almaty-2 – Shymkent» aptasyna 1 retten 3 retke deıin, Almaty-2 -den 2020 jyldyń 10 qazanynan bastap, al Shymkentten 2020 jyldyń 11 qazanynan bastap shyǵatyn boldy;

2) №11/12 «Almaty-2 – Shymkent» aptasyna 2 retten 4 retke deıin, Almaty-2-den 2020 jyldyń 13 qazanynan bastap, al Shymkentten 2020 jyldyń 14 qazanynan bastap júredi;

3) №31/32 «Almaty-2 – Pavlodar» 2020 jyldyń 11 qazanynan bastap Almatydan, 2020 jyldyń 12 qazanynan bastap Pavlodardan kún saıyn jóneltiledi;

4) №603/604 «Nur – Sultan Nurly jol – Arqalyq» 2020 jyldyń 2 qarashasynan bastap Nur-Sultannan, 2020 jyldyń 3 qarashasynan bastap Arqalyqtan kún saıyn júretin bolady.

Jolaýshylar poıyzdarynyń qozǵalys kestesi boıynsha barlyq aqparatty «105» nómiri arqyly alýǵa bolady.

Ulttyq tasymaldaýshy jolaýshylardan jol júrý qujattaryn onlaın, sonyń ishinde resmı BILET.RAILWAYS.KZ saıty arqyly resimdeýlerin, jolaýshylardan sanıtarlyq-karantındik talaptardy, áleýmettik qashyqtyqty (keminde 1 metr), vokzal aýmaǵynda jáne poıyz ishinde betperde rejımin qatań saqtaýlaryn suraıdy.

Sondaı-aq, saparǵa shyǵar kúni bıletter bolmaǵan jaǵdaıda, «Kútý paraǵy» atty tegin qyzmetti paıdalanýǵa bolatynyn eske salady.

 

Sońǵy jańalyqtar