24 Qyrkúıek, 16:11 361 0 Praımerız Anar LEPESOVA

Praımerız: Túrkistan oblysy daýys berý kezeńine daıyn

Túrkistan oblysyndaǵy praımerızge arnaıy ázirlengen daýys beretin 209 oryn tolyǵymen daıyn. Onyń 170-sinde onlaın, 39-ynda oflaın daýys beriletin bolady. Atalǵan oryndardaǵy 580 daýys berý kabınkasynda 460 kompıýter ornatylyp, ǵalamtormen qamtamasyz etilgen.

Aıta keteıik, 209 daýys berý ornynda «Nur Otan» partııasy Túrkistan oblystyq fılıalyna qarasty 245 bastaýysh partııa uıymynyń 80 myńǵa jýyq múshesi daýys berýge ázirlenýde. Búginniń ózinde Túrkistan oblysyndaǵy partııa músheleriniń 97 paıyzy «Primaries 2020» aqparattyq júıesine tirkeýden ótken. Tirkeý jumystary áli de jalǵasyp jatyr.

Esterińizge sala keteıik, aldaǵy partııaishilik saılaýda «Nur Otan» músheleri ǵana onlaın daýys bere alady. Daýys berýde bir daýys: bir JSN (IIN), bir mobıldi nómir jáne bir IP meken-jaı prınıpimen jumys isteıtin bolady. Iaǵnı bir nómirden tek bir ǵana adam daýys bere alady. Eger osy derekterdiń biri sáıkes kelmese, «Primaries 2020» aqparattyq júıesine tirkelmeıdi, ıaǵnı daýys bere almaıdy. Munyń barlyǵy daýys berý kezeńindegi túrli aıla-sharǵyǵa, burmalaýshylyqtarǵa, sondaı-aq yqtımal jappaı daýys berýge jol bermeý maqsatynda qolǵa alynyp otyr.

Sońǵy jańalyqtar