24 Qyrkúıek, 16:07 11320 0 Jahan Anar LEPESOVA

Taǵy bir el Lýkashenkony Belarýs basshysy retinde moıyndaýdan bas tartty

Taǵy bir memleket Aleksandr Lýkashenkony Belarýs prezıdenti retinde moıyndaýdan bas tartty. Bul týraly Kanadanyń Syrtqy ister mınıstri Fransýa-Fılıpp Shampan Twitter-de málimdedi.

«Kanada Lýkashenkonyń jasyryn ótkizilgen ulyqtaý rásimine qatysty ókinish bildiredi. Ol demokratııalyq jolmen saılanǵan kóshbasshy emes. Kanada ashyq ári ádil saılaý ótkizýge shaqyrady. Biz halyqaralyq áriptesterimizben birge osy maqsatta birikpekpiz», — dep jazdy mınıstr.

Sondaı-aq, ol Belarýs prezıdenttigine úmitker bolǵan Svetlana Tıhanovskaıamen telefon arqyly sóılesip, eldegi sońǵy jaǵdaıdy talqylaǵanyn jetkizdi.

Eýroodaq memleketteri ishinde Slovakııa birinshi bolyp Lýkashenkony Belarýsttiń zańdy prezıdenti retinde moıyndaýdan bas tartty. Sonymen qatar, Germanııa úkimetiniń ókili Shteffen Zaıbert Aleksandr Lýkashenkonyń demokratııalyq legıtımdilikke qol jetkize almaıtynyn aıtty. AQSh pen Ýkraına da osyndaı pikirde.

Eske sala keteıik, keshe Belarýsta Aleksandr Lýkashenkony ulyqtaý rásimi ótti. Belarýs tilinde ant qabyldaǵan ol prezıdent kýáligin alyp, qyzmetine resmı túrde kiristi.

Sońǵy jańalyqtar