24 Qyrkúıek, 14:44 567 0 Qoǵam Anar LEPESOVA

Elordada Jaqsylyq Úshkempirov pen Denıs Ten beınelengen mýral salynady

Saraıshyq kóshesindegi kópirdiń astynda eń úlken balalar ekoalańqaılarynyń biri ashyldy. Bul týraly Nur-Sultan qalasynyń sáýlet, qala qurylysy jáne jer qatynastary basqarmasynyń baspasóz qyzmeti habarlady. 

«Ol ortalyq Trıatlon parkinen Prezıdent saıabaǵyna deıin jalǵasyp jatyr. Oıyn alańynyń jalpy kólemi – 1088 sharshy metr. Ol shaǵyn sáýlet úlgilerimen tolyǵady. Ekstremaldy sport túrlerin súıetinderge parkýr-alań ashylady dep josparlanyp otyr. Aıta ketsek, osy sekildi qoǵamdyq alań L.N.Gýmılev atyndaǵy EUÝ janyndaǵy kópirdiń astynda bar. Ol jerde strıtboll, ústel tennısi, skeıt-alań, vorkaýt-zona jáne strıt-art paıda bolady» dep habarlady baspasóz qyzmeti.

Sondaı-aq, aqparat boıynsha astanalyq ýrbanıstıka ortalyǵy asa kórnekti sportshylar jáne Olımpıada chempıondary Jaqsylyq Úshkempirov pen Denıs Ten beınelengen graffıtı salynatyn lokaııany qarastyryp jatyr.

«Bul qazaqstandyq sport juldyzdarynyń esimi ár qazaqstandyqtyń jadynda máńgi saqtalatyny anyq. Jańa núktelerdi jáne «adamdarǵa arnalǵan qalany» qurý boıynsha barlyq jumystar «Nur-Sultan – jaıly qala» master-jospary aıasynda júrgizilip jatyr. Bıyl elordada 150 aýla abattandyrylyp, 54 qoǵamdyq keńistik soǵyldy» dep tolyqtyrdy basqarma ókilderi.

 

Sońǵy jańalyqtar