24 Qyrkúıek, 20:33 414 0 Atajurt Baqytbek Qadyr

Abaı shyǵarmalary mońǵol tiline aýdaryldy

Ulan-Batyr qalasyndaǵy Mońǵolııa ǵylym jáne tehnologııa ýnıversıtetinde Moń­ǵo­lııanyń eńbek sińirgen mádenıet qaıratkeri, jazýshy, ǵylym doktory, professor Sultan Táý­keıulynyń 18 tomdyq shyǵarmalar jınaǵy­nyń tusaýkeseri ótti. Onyń bir tomy mońǵol tiline aýdarylǵan «Abaıdyń qara sózderi» kitaby.

Atalǵan is-sharaǵa jergilikti qazaq dıasporasynyń ókilderimen qatar resmı qonaq retinde Qazaqstannyń Mońǵolııadaǵy elshisi Jalǵas Ádilbaev qatysty. Abaı­dy mońǵol tilinde sóıletken Sultan Táýkeıuly ǵu­lamanyń shyǵarmalaryndaǵy fılosofııalyq kóz­qarasy men qoǵamdyq pikiri týraly oı bólise otyryp, «Abaıdyń qara sózderin» mońǵol tiline aýdarý bary­synda týyndaǵan qıyndyqtar men aqynnyń jazý erek­sheligi týraly ekjeı-tekjeıli baıandady. Sultan Táý­keıulynyń shyǵarmashylyq keshi barysynda elshi J.Ádilbaev is-sharaǵa qatysýshylardy Qazaqstan Pre­zı­denti Q.Toqaevtyń «Jańa jaǵdaıdaǵy Qazaqstan: is-qımyl kezeńi» atty Joldaýymen tanystyryp, eli­mizde bilim men ǵylymǵa basa nazar aýdarylyp otyr­ǵanyn jetkizdi. Sondaı-aq qazaqtyń uly aqyny jáne oı­shyl ǵulamasy Abaı Qunanbaıulynyń 175 jyldyq me­reıtoıyn atap ótý sheńberinde qazaqstandyq tarap júrgizip jatqan is-sharalar jóninde keńinen maǵlumat berdi.

Sultan Táýkeıuly – óziniń sanaly ómirin qazaq hal­qynyń tarıhyn, salt-dástúrin, ulttyq bolmysyn na­sıhattaýǵa arnaǵan, ultjandy qalamger.

Sońǵy jańalyqtar