24 Qyrkúıek, 12:07 362 0 Nur Otan Anar LEPESOVA

«Nur Otan» elimizdiń ońtústigin oń ózgeristerge bastaıtyn baǵdarlama ázirledi

«Nur Otan» halyqpen talqylaý úshin elimizdiń ońtústik óńirleri boıynsha saılaýaldy baǵdarlamalarynyń jobalaryn jarııalady. Olarmen primaries.kz saıt arqyly tanysýǵa jáne óz usynystaryńyzdy engizýge bolady, dep habarlaıdy partııanyń baspasóz qyzmeti.

Elbasynyń tapsyrmasy boıynsha «Nur Otan» partııasy ár óńir, qala men aýdanǵa arnap 216 saılaýaldy baǵdarlamanyń jobasyn ázirledi. Prezıdent jarııalaǵan «Halyq únine qulaq asatyn memleket» tujyrymdamasy aıasynda olardy jalpyrespýblıkalyq partııaishilik praımerız qorytyndysy boıynsha úzdik ıdeıalar men usynystardy jınap, kraýdsorsıng qaǵıdatymen pysyqtamaq.

Sonymen, Jambyl oblysynda óńdeý ónerkásibi men agroónerkásiptik keshendi damytýǵa, jańa óndirister men jańa jumys oryndaryn ashýǵa basa nazar aýdarylady.

5 jyl ishinde aýyl sharýashylyǵy jalpy óniminiń kólemin birden 33,9%-ǵa arttyrý josparlanýda. Bul rette «Nur Otan» partııasy 7 jańa sý qoımasyn salý, sýarý arnalary men drenaj júıelerin qaıta jóndeý esebinen 34,5 myń ga sýarmaly jerdi qalpyna keltirýge qol jetkizbek.

Avtomobıl joldary men jolaýshylar tasymalynyń sapasyn arttyrý úshin 2025 jylǵa deıin oblystyń barlyq aýdandarynda 1200 km jol tóseý jáne jóndeý, sondaı-aq, avtobýs parkin 52-den 90%-ǵa deıin jańartý kózdelip otyr.

Halyq sany 200 adamnan asatyn aýyldar ortalyqtandyrylǵan sý júıesimen jabdyqtalmaq. 2023 jylǵa qaraı 119 aýyldy nemese 125 myń turǵyndy sapaly aýyz sýmen qamtamasyz etý josparlanýda. 2025 jylǵa deıin 107 eldi mekendegi 128 myń turǵyn ortalyqtandyrylǵan gazben qamtylady. Bes jyl ishinde oblystyń qalalary men aýdandarynda 156 turǵyn úı salý josparlanýda.

Ekologııalyq jáne sanıtarlyq talaptarǵa sáıkes, 158 qoqys úıindileri men polıgondar retke keltiriledi. 2022 jyldyń sońyna deıin turmystyq qatty qaldyqtardy qaıta óńdeý/jaǵý zaýyty salynady. Taraz, Jańatas, Qarataý jáne Shý qalalarynda tazartý qurylystary keshenin salý josparlanýda.

Medıınalyq qyzmet kórsetý sapasyn arttyrý maqsatynda partııa 685 birlik medıınalyq jabdyq satyp alýdy jáne jańa týǵan nárestelerdi reanımaııalaý bólimshesi úshin 4 jańa densaýlyq saqtaý nysanyn salýdy usynady. Sondaı-aq, múgedek balalarǵa arnalǵan 4 ońaltý jáne beıimdeý ortalyǵyn jáne zorlyq-zombylyqqa ushyraǵan adamdarǵa arnalǵan 2 daǵdarys ortalyǵyn ashý kózdelýde.

Túrkistan oblysy boıynsha saılaýaldy baǵdarlama jobasynyń basym baǵyttarynyń biri – aımaqishilik joldardyń sapasyn arttyrý. Ol úshin «Nur Otan» joldardyń 3600 shaqyrymyn aldaǵy bes jyl ishinde jóndeýdi qolǵa almaq.

Halyqty sapaly aýyz sýmen qamtamasyz etý úshin partııa aýyldyq okrýgterde 49 sýmen jabdyqtaý nysanynyń qurylysyna, sondaı-aq 12 eldi mekende sýmen jabdyqtaý jelilerin qaıta jańartýǵa yqpal etetin bolady.

240 úı paıdalanýǵa berilip, 429 turǵyn úı men nysanǵa kúrdeli jóndeý júrgiziledi.

Mádenı jáne rýhanı qundylyqtardy saqtaý maqsatynda óńirdegi kıeli oryndar – Aq meshit úńgirleri, Terekti áýlıe, Baba Túkti Shashty Ázız, Yshaq baba, Túrkibasy áýlıe, Yshaq Ata kesenelerin abattandyrý josparlanýda.

Jarııalanǵan málimetterge sáıkes, Qyzylorda oblysynda 67 myńnan astam jumys ornyn ashý jáne ortasha jalaqyny 164 myń teńgege deıin arttyrý mindeti qoıylyp otyr.

Shyny talshyqty jelilik jáne joǵary qysymdy sorǵy-kompressorlyq qubyrlar shyǵaratyn zaýyt salý, jalpaq shyny shyǵaratyn jáne óńdeıtin zaýyttyń qurylysy, Aral aýdanynda taýarlyq balyqty ósirý jáne qaıta óńdeý keshenin keńeıtý sııaqty ınvestıııalyq jobalardy iske asyrý josparda bar.

Aýyl turǵyndarynyń tabysyn arttyrý jáne aýyl sharýashylyǵyn damytý úshin Syrdarııa ózeniniń Kúmisketken ýchaskesinde túıe sútinen qurǵaq untaq óndiretin zaýyt jáne sý qoımasyn salý kózdelip otyr.

Búginde oblysta turǵyn úı kezeginde 30 myńǵa jýyq adam tur. 1 170 kópqabatty turǵyn úıdiń jartysy jóndeýdi qajet etedi. «Nur Otan» partııasy halyqty turǵyn úımen qamtamasyz etý deńgeıin arttyrý úshin shamamen 11 334 páter men 26 787 jeke turǵyn úı salý mindetin qoıyp otyr. Qurylys salynatyn aýdandardyń ınjenerlik-kommýnıkaııalyq ınfraqurylymyn damytýǵa, kóp qabatty turǵyn úılerge kúrdeli jóndeý júrgizýge erekshe nazar aýdarylatyn bolady.

Medıınalyq qyzmet kórsetý deńgeıin arttyrý maqsatynda barlyq qajetti materıaldyq-tehnıkalyq jabdyqtarmen qamtamasyz etilgen 27 jańa densaýlyq saqtaý nysanyn, 23 aýyldyq dárigerlik ambýlatorııa salý josparlanǵan. Sonymen qatar, «Nur Otan» partııasy 11 jańa mektep salýǵa, sondaı-aq 54 bilim berý nysanyna kúrdeli jóndeý júrgizýge ýáde berdi.

Almaty oblysynda saılaýaldy baǵdarlama aıasynda otandyq óndirýshilerdi qoldaýdy kúsheıtý, aýyl sharýashylyǵy salasynda jańa óndirister qurý, sondaı-aq kólik jáne áleýmettik ınfraqurylymdy jaqsartý josparlanýda.

«Nur Otan» partııasynyń bastamasymen aldaǵy 5 jylda óńirde 134 myńnan astam jumys ornyn ashyp, ortasha jalaqyny 136-dan 174 myń teńgege deıin kóterýge nıetti. 35 ınvestıııalyq joba iske asyrylady, olardyń ishinde múıizdi usaq mal etin óńdeıtin et zaýytyn, kendi qaıta óńdeý zaýytyn, broıler baǵytyndaǵy qus fabrıkasyn salý, sondaı-aq 100 myń adamǵa deıin turatyn Nurkent qalasynyń qurylysy bar.

Óńirde mal sharýashylyǵynda, ósimdik sharýashylyǵynda jáne ónimdi qaıta óńdeýde jańa tehnologııalardy engizý boıynsha jumystar jalǵasady. 20 myń iri qara malǵa arnalǵan 26 bordaqylaý alańyn, 6,9 myń basqa arnalǵan 18 sút-taýarlary fermasyn, 3 qus fabrıkasyn jáne aýdany 34 ga bolatyn 4 jylyjaıdy salý josparlanýda. Osy jáne basqa da sharalar 2025 jylǵa qaraı AÓK salasynda 10 myńnan astam jańa turaqty jumys oryndaryn ashýǵa múmkindik beredi.

Partııa óńir turǵyndarynyń ómir súrý jaǵdaılaryn jaqsartý úshin 2025 jylǵa qaraı 5,4 mln.sharshy metr turǵyn úı salýdy qamtamasyz etýdi maqsat etip otyr.

Qazirgi ýaqytta Almaty oblysynda úsh aýysymdy 38 mektep jumys isteıdi, 146 mektep beıimdelgen ǵımarattarda ornalasqan. «Nur Otan» partııasy óziniń saılaýaldy baǵdarlamasy aıasynda úsh aýysymdy oqytýdy boldyrmaý úshin 39 jańa mektep, 57 beıimdelgen mekteptiń ornyna 45 jańa mektep salmaq. Sondaı-aq 92 bilim berý nysanyna kúrdeli jóndeý júrgizedi.

Sońǵy jańalyqtar