24 Qyrkúıek, 09:20 674 0 Kólik Anar LEPESOVA

Elorda avtobýstaryndaǵy elektrondy bıletteý júıesi 6 mlrd teńgeni kóleńkeli aınalymnan shyǵardy

Nur-Sultan qalasyndaǵy qoǵamdyq kólikterdi elektrondy esep aıyrysý júıesine tolyq kóshirý arqasynda 6 mlrd teńge kóleńkeli aınalymnan shyǵarylǵan. Bul týraly qala ákimi Altaı Kólginov málimdedi.

«Búgin Kazan Digital Week halyqaralyq forýmyna onlaın qatystym. Basqa elderdegi áriptestermen birge ıntellektýal transport júıelerin talqylap, tájirıbemizben bólistik. Qoǵamdyq tasymaldyń modernızaııasy men ıfrlanýy - basym baǵyttardyń biri. Avtobýstardy jańartyp qana qoımaı, jańa marshrýttar qosyp, jol salyp, qalalyqtardyń yńǵaıy úshin elektrondy qarym-qatynas mehanızmderin engizý kerek», -  dep jazdy qala ákimi  Instagram paraqshasynda.

Altaı Kólginov elordadaǵy kólik tasymalyn damytý maqsatynda qolǵa alynǵan sharalarǵa toqtaldy.

«Birinshi - ıntellektýal transport júıesin damytý. Kóshe qıylystarynda turǵan baǵdarshamdardyń 50% adaptıv basqarý júıesimen qamtylǵan. Mundaı tehnologııa kólik aǵynyn avtomatty rejımde eseptep, baǵyttar boıynsha sheshim qabyldaıdy. Bul kólik aǵynynyń jyldamdyǵyn arttyryp, jolda joǵalatyn ortasha ýaqytty 20% qysqartýǵa múmkindik berdi. Jyl sońyna deıin qaladaǵy kóshe qıylystarynyń 80% osy ıfrly júıemen qamtıtyn bolamyz. Bul - táýliktiń qarbalas ýaqytynda túıindi baǵyttarǵa júktemeni azaıtady. Ekinshi - qaýipsizdikti qamtamasyz etý. Baqylaý kameralary jol-kólik oqıǵalaryn 20% qysqartyp, ólimge ákep soǵatyn jaǵdaılardy 40% azaıtýǵa múmkindik berdi. Úshinshi - qoǵamdyq tasymaldy damytý. Qalalyqtardyń yńǵaıy úshin qalamańy kólik qatynasyn engizdik (32 eldimekenge qyzmet kórsetiledi), ekspress , sport shuttle bus marshrýttar da bar (buqaralyq mádenı sharalar úshin)», - dep jazdy shahar basshysy.

Sondaı-aq, qala ákimi shaharda turǵyndardyń ótinishi boıynsha 40 marshrýt ońtaılandyrylǵanyn, qoǵamdyq kóliktiń 70% astamyn jańartylyp, jyl basynda kóshelerge 100 jańa elektr avtobýs shyqqanyn atap ótti. Ákimdik jyl sońyna deıin elektr avtobýstardyń taǵy bir partııasyn shyǵarýdy josparap otyr eken.

«Barlyq avtobýs jolaqy tóleýdiń elektrondy júıesimen jabdyqtalǵan, bul karantın kezeńinde indet juqtyrý yqtımaldyǵyn azaıtty. Elektrondy esep aıyrysýǵa 100% ótýdiń arqasynda 6 mlrd teńge kóleńkeli aınalymnan shyǵaryldy. Sonymen birge, qalalyqtar avtobýstardyń qaı jerde kele jatqanyn mobıl qosymsha arqyly qarap, aıaldamalardaǵy elektrondy tablolardan kóre alady», - deıdi Altaı Kólginov.

 

Sońǵy jańalyqtar