15 Tamyz, 09:13 447 0 Jańalyqtar Asyl TUMAR

Memleket basshysy Baqyt Sultanovty qabyldady

Memleket basshysy Qasym-Jomart Toqaev Saýda jáne ıntegraııa mınıstri Baqyt Sultanovty qabyldady, – dep habarlaıdy Aqorda.

Baqyt Sultanov Qasym-Jomart Toqaevqa mınıstrlik jumysynyń nátıjeleri jaıynda, sondaı-aq, saýda salasynyń 2025 jylǵa deıingi damý múmkindikteri men perspektıvasy týraly baıandady.

Memleket basshysy mınıstrge saýda salasynyń syrtqy naryqtarǵa shyǵýyn qalpyna keltirý jáne ony odan ári damytý jóninde birqatar naqty tapsyrma berdi.

Prezıdenttiń pikirinshe, otandyq taýar óndirýshilerdiń eksporttyq múmkindikterin qoldaý, sondaı-aq, tehnıkalyq retteý jáne tutynýshylardyń quqyqtaryn qorǵaý júıesi arqyly ishki naryqty sapaly ári qaýipsiz ónimmen qamtamasyz etý mańyzdy mindetterdiń biri.

Sońǵy jańalyqtar