14 Tamyz, 09:57 919 0 Jańalyqtar Asyl TUMAR

Qyzylorda oblysynda toıhanalar óndiris oryndaryna aınalýda

Qyzylorda oblysy Qarmaqshy aýdanynda toıhanalar óndiris ornyna aınala bastady.

Qarmaqshy aýdanyndaǵy 3 toıhana ıesi bıznestegi baǵytyn ózgertti. Aýdanǵa qarasty Dúr Ońǵar aýylynda temirbeton ónimderin shyǵaratyn eh ashyldy. Sol arqyly aýyl azamattary eńbekpen qamtyldy. Qurylys materıaldaryn óndirýge jol ashyldy.

«Aýylda sýǵa salatyn kishi jáne úlken lotoktarǵa suranys zor. Sondaı-aq, biz qabyrǵa taqtasyn da shyǵaryp jatyrmyz», – dedi seriktestik dırektorynyń orynbasary Oralbaı Masharapov.

Aýyl turǵyny Ersin Óteev te óz kásibin ártaraptandyrýdy kózdep otyr. Ol shege, tor, tiken sym syndy aýyl sharýashylyǵyna qajetti ónim túrlerin shyǵaratyn qurylǵy satyp alǵan. Ol úshin memlekettik qoldaý aıasynda jeńildetilgen nesıe alǵan.

Jalpy, Qarmaqshy aýdanynda quny 28 mıllıon teńgeni quraıtyn 4 joba «Qarapaıym zattar ekonomıkasy» aıasynda júzege asqan.

«Jyl basynan beri 54 kásipker 296 mıllıon teńge kóleminde nesıe alyp, óz kásibin dóńgelente tústi. Qazir aýdanda 27 kishi eh ashyldy», – dedi Qarmaqshy aýdanynyń ákimi Musa Qaldarbekov.

Karantın kezinde buryn toıhana bıznesimen aınalysqan kásipkerler qatarynda isin jańa baǵytqa burǵan kásipkerler sany artty. Olardyń biri túshpara ázirleıtin eh ashýǵa nıet bildirse, endi biri qus sharýashylyǵyn ashýǵa betburys jasaý maqsatynda arnaıy joba daıyndaýda.

«Taǵy bir toıhana ıesi jelilik dúken ashýǵa nıet bildirdi. Oǵan qosa, kenttegi toıhana qonaq úı esebinde paıdalanylýda», – dedi Qarmaqshy aýdandyq kásipkerlik bóliminiń basshysy Erkebulan Ábdikerov.

Sońǵy jańalyqtar