13 Tamyz, 19:29 570 0 Aımaq Anar LEPESOVA

Pavlodar oblysyndaǵy kýrorttardyń jumys isteýine ruqsat berildi

14 tamyzdan bastap Pavlodar oblysyndaǵy kýrorttardyń jumysy qaıta jandanady. 

Oblystyń bas sanıtarlyq dárigeri Batyrbek Álıevtiń jańa qaýlysy boıynsha, sanıtarlyq-dezınfekııalyq rejımniń kúsheıtilgen rejımin, áleýmettik qashyqtyqty jáne maska taǵý rejımin saqtaı otyryp, qýattylyǵy 50%-dan aspaıtyn sanatorlyq-kýrorttyq maqsattaǵy obektilerdiń, týrıstik bazalardyń demalys úılerininiń jumys isteýine ruqsat berildi.

Týrıstik nysandardaǵy jaǵajaılardyń jumysy da qaıta jandanady: qonaq úıler, sanatorııler, pansıonattar, demalys úıleri jáne týrıstik bazalar aldyn-ala jazylý boıynsha 10:00-den 20:00-ge deıin jumys isteı alady.

Qujat boıynsha, jaǵajaıda demalýshylar arasyndaǵy qashyqtyq tórt metrden kem bolmaýy kerek.

Mamandar eki apta boıy baqylaý júrgizip, karantındik sharalardyń  saqtalýyn qadaǵalaıdy. Eger erejeler oryndalmasa, nysandardyń jumys isteýine qaıtadan tyıym salynbaq.

Eske sala keteıik, búgin memlekettik komıssııa otyrysynda  elimizdegi karantın sharalaryn kezeń-kezeńimen alyp tastaý jospary bekitildi jáne 17 tamyzdan bastap jumysyn qaıta bastaıtyn nysandar tizimi jarııalandy.

Karantınniń jeńildeýine qaramastan, salynǵan birqatar tyıym kúshinde qalady: oıyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge, sonymen qatar úıde ótkizýge, barlardyń, túngi jáne oıyn klýbtarynyń, karaoke, fýdkorttardyń, kınoteatrlardyń jáne balalar men eresekterge arnalǵan basqa da oıyn-saýyq oryndarynyń jumysyna, mádenıet nysandarynyń, mýzeılerdiń qyzmetine, konferenııalar, kórmeler, forýmdar ótkizýge, basseınder, qalalyq jáne qoǵamdyq jaǵajaılar, ashyq akvaparkterdiń jumysyna, dinı nysandardyń jumysyna ruqsat berilgen joq.

Sońǵy jańalyqtar