13 Tamyz, 17:49 436 0 Densaýlyq Anar LEPESOVA

79 jastaǵy jambyldyq qarııa koronavırýsty jeńdi

Jambyl oblysy Jýaly aýdanynyń 79 jastaǵy turǵyny qaterli vırýsty jeńdi. 

Oblys ákimdiginiń málimetinshe, Amanjol Dúráliuly koronavırýs belgileri boıynsha jedel járdemmen Jambyl oblystyq kópbeıindi balalar aýrýhanasyna jetkizilgen.

Medıınalyq tekserý kezinde qarııanyń koronavırýs juqtyryp, eki jaqty vırýstyq pnevmonııaǵa shaldyqqany belgili bolǵan. Sondaı-aq, 79 jastaǵy turǵynnan tynys alý jetkiliksizdiginiń úshinshi satysy anyqtalypty.

Aqsaqaldyń qosymsha sozylmaly aýrýlary –  júrektiń ıshemııalyq aýrýy, ıshemııalyq kardıomıopatııa, júrek jetkiliksizdigi jáne úshinshi satydaǵy gıpertenzııa koronavırýstyń asqyna túsýine ákelip soqqan.

Eki kún jansaqtaý bóliminde bolyp, ÓJJ apparatyna qosylǵan Amanjol Dúráliuly aq halattylardyń qajyrly eńbeginiń arqasynda qaterli vırýsty jeńip, aýrýhanadan shyqty.

Eske sala keteıik, buǵan deıin Shymkentte ókpesiniń 70 paıyzy zaqymdanǵan 90 jasta ájeı indetten aıyqqanyn habarlaǵanbyz.

Shymkent qalasyndaǵy "Meıirim" provızorlyq ortalyǵynda em qabyldaǵan Kúlsara Qarsybaevanyń jaǵdaıynyń aýyrlyǵyna jáne qosymsha sozylmaly aýrýlaryna (sozylmaly holeıstıt, pankreatıt, arterııalyq gıpertenzııa) qaramastan pnevmonııany jeńip shyqty.

 

Sońǵy jańalyqtar