13 Tamyz, 16:34 646 0 Kólik Anar LEPESOVA

2020 jyly qazaqstandyqtar qandaı kólik brendterin jıi satyp alǵany belgili boldy

2020 jyldyń qańtar-shilde aılary aralyǵynda Qazaqstanda resmı dılerler 42 myńnan astam jańa kólik satty. Bul týraly «QazAvtoÓnerkásip» avtokólik salasyndaǵy kásiporyndar odaǵy habarlady. 

«Atalǵan kezeńde resmı dılerler 42 372 kólikti satty. Bul bir jyl burynǵy kórsetkishten 13,6 paıyzǵa joǵary. Bıylǵy jeti aıda qazaqstandyqtar jańa jeńil kólikterdi alýǵa 383,6 mlrd teńge jumsap, 2019 jylǵy deńgeıden 10 paıyzǵa artyq boldy», - delingen taratylǵan málimette.

Kólik satyp alýshy 29 462 adam (69,5 paıyzy) otandyq zaýyttardyń ónimine óz tańdaýyn jasaǵan. Sonymen qatar, bıylǵy 7 aıda satylǵan 12 910 avtomobıl (30,5 paıyzy) ımportqa tıesili bolyp otyr.

Atalǵan merzimde elimizde suranysy joǵary brendterdiń arasynda Lada (9717 kólik), Hyundai (8030), Toyota (5581 ), Ravon (5112 ) jáne KIA (3695) kólikteri kósh bastady. Munymen qosa, satylymy joǵary bolǵan TOR-ondyqta - Renault (1461 kólik), GAZ (1367), Nissan (1140), Volkswagen (1116) men UAZ (975) bar.

 

Sońǵy jańalyqtar