13 Tamyz, 14:43 621 0 Kólik Anar LEPESOVA

Elimizde dızeldi avtobýstar satyp alýǵa tyıym salynýy múmkin

Budan bylaı dızeldi otynmen júretin qoǵamdyq kólikterdi satyp alýǵa tyıym salynýy múmkin. Almatynyń ekologııalyq ahýalyn talqylaý barysynda QR Ekologııa, geologııa jáne tabıǵı resýrstar mınıstrliginiń Ekologııalyq retteý jáne baqylaý komıtetiniń tóraǵasy Zýlfýhar Joldasov osyndaı usynys aıtty. 

Almaty qalasy ákiminiń birinshi orynbasary Erlan Qojaǵapanovtyń aıtýynsha, qalada qoǵamdyq kólikter belsendi túrde gazǵa aýystyrylýda. Sonymen qatar, ekologııalyq taza 130 avtobýs satyp alynbaq.

"Desek te, qaladaǵy avtokólikter negizgi aýa lastaýshylardyń biri bolyp qala beredi. Kún saıyn qala kóshelerinde 700 myńǵa jýyq kólik júredi. Bul máseleni sheshý úshin halyqaralyq tájirıbege súıenip, aýqymdy kólik reformasyn júrgizip jatyrmyz. Búgingi kúni Almatyda 400-ge jýyq avtobýs gazben qozaǵalady. Sonymen qatar, 10 elektr avtobýsy bar. Sizderdiń (QR Ekologııa, geologııa jáne tabıǵı resýrstar mınıstrligi – red) qoldaýlaryńyzben elektr avtobýstarynyń sanyn kóbeıtýdi josparlap otyrmyz. Qoǵamdyq kólikter parkin jańarta otyryp, biz zııandy zattar shyǵaryndylaryn azaıtamyz", - dedi qala ákiminiń birinshi orynbasary.

Máseleni sheshý úshin Ekologııalyq retteý jáne baqylaý komıtetiniń tóraǵasy Zýlfýhar Joldasovt 2023 jylǵa deıin gazben júretin avtobýstardyń sanyn 500-den 2 myńǵa jetkizýdi usyndy. Sondaı-aq, ol dızeldi qozǵaltqyshy bar qoǵamdyq kólikti satyp alýǵa zań júzinde tyıym salý qajettigin aıtty.

 

Sońǵy jańalyqtar