13 Tamyz, 13:36 471 0 Jańalyqtar Anar LEPESOVA

«Nur Otan»: Praımerızdiń respýblıkalyq kúntizbelik jospary bekitildi

«Nur Otan» partııasy praımerıziniń respýblıkalyq kúntizbelik jospary bekitildi. Bul týraly partııa Tóraǵasynyń Birinshi orynbasary Baýyrjan Baıbek Facebook-taǵy paraqshasynda jazdy. 
"Partııa Lıderi Nursultan Nazarbaevtyń tapsyrmasymen partııa praımerızi elimizdiń partııalyq-saıası damý tarıhynda tuńǵysh ret respýblıkalyq partııaishilik saılaý aýqymynda ótedi. Bul – Elbasynyń bastamasymen qolǵa alynǵan «Senim. Dıalog. Bolashaqqa nyq qadam» partııa jumysyn «qaıta jandandyrý» baǵdarlamasynyń qorytyndy kezeńderiniń biri. Bizdiń basty maqsatymyz – aldaǵy Májilis pen barlyq deńgeıdegi máslıhattar saılaýyna partııalyq tizimderge engizý úshin qoǵamnyń qoldaýyna ıe bolǵan bedeldi partııa kóshbasshylaryn anyqtaý", - dedi B.Baıbek.
Onyń aıtýynsha, kandıdattar praımerızge bastaýysh partııa uıymynyń atynan nemese ózin-ózi usyný jolymen de qatysýy múmkin. Bul rette partııanyń qundylyqtaryn ustanatyn jáne saılaý quqyǵy bar kez kelgen azamat úmitker bola alady. Ol úshin praımerızge qatysýshylardy tirkeý merzimi aıaqtalǵanǵa deıin «Nur Otan»-nyń qataryna qosylý kerek.
"Búgin Ortalyq uıymdastyrý komıtetiniń birinshi otyrysy ótti. Jıyn barysynda partııaishilik saılaýdyń respýblıkalyq kúntizbelik jospary bekitildi. Kandıdattardy usyný jáne tirkeý 17 tamyzdan bastalyp 28 tamyzǵa deıin jalǵasady. Úmitkerlerge úgit jumystaryna daıyndalý úshin 7 kún beriledi - 31 tamyzdan 6 qyrkúıekke deıin. 7 qyrkúıekten 3 qazanǵa deıingi aralyqta kandıdattardyń úgit jumystaryn, onyń ishinde 14-30 qyrkúıek aralyǵynda jarııa pikirsaıystar ótkizý qarastyrylǵan. Pikirsaıystar partııanyń resmı akkaýnttarynda taratylatyn «Praımerız» aqparattyq júıesi arqyly ótedi", - dep túsindirdi Baýyrjan Baıbek.
Partııa Tóraǵasynyń tapsyrmasymen onlaın-formatta daýys berý úshin platforma ázirlengen. «Praımerız» júıesi turǵyndarmen keri baılanysty kúsheıtýdi, jurtshylyqtyń pikirin eskere otyryp, túrli bastamalar men zań jobalaryn onlaın-talqylaý múmkindigin kózdeıdi.
1 qazan (00-00) men 3 qazan (14.00) aralyǵynda mobıldi qosymsha jáne arnaıy veb-portal arqyly elektrondy daýys berý ótpek.
Daýys berýdiń sońǵy kúni (3 qazan) bastaýysh partııa uıymdarynyń bazasynda saılaý ýchaskeleri ashylady. Internet joq eldi mekenderde osyndaı saılaý ýchaskelerine kelip, qaǵaz bıýlletender arqyly daýys berýge bolady.
Kandıdattardyń reıtıngteri kórsetilgen praımerız nátıjeleri 5 qazanda jarııalanady.

Sońǵy jańalyqtar