13 Tamyz, 13:31 418 0 Qoǵam Anar LEPESOVA

Almaty ákimi trolleıbýs ınfraqurylymy qashan jańǵyrtylatynyn aıtty

Almaty qalasynyń ákimi Baqytjan Saǵyntaev "Almaty" telearnasynda Akimat LIVE baǵdarlamasynyń efırinde trolleıbýs ınfraqurylymyn jańǵyrtý týraly turǵyndar saýalyna jaýap berdi, dep habarlaıdy Sputnik Qazaqstan.

"Koronavırýstyń kesirinen barlyǵyna shyǵyndar azaıtyldy. Bizdi trolleıbýstardyń jaǵdaıy qyzyqtyrady. Kóbine baılanys jelileri isten shyǵyp, trolleıbýstar kóshedegi qozǵalysty jıi toqtatyp jatady. Bálkim, tramvaı sııaqty, trolleıbýstan da bas tartqanymyz jón bolar," - dep saýal qoıdy qala turǵyny.

Saǵyntaev óz jaýabynda bul másele kún tártibinde emes ekenin aıtty.

"2019 jyly biz olardyń jumys isteýin qamtamasyz etetin baılanys jelileri men qosalqy stanııalardy modernızaııalaý baǵdarlamasyn qabyldadyq. Bıyl pandemııaǵa baılanysty bul shyǵyndardy birshama tómendettik, ol josparlanǵan 5 mıllıardtyń ornyna 1,7 mıllıard teńgeni quraıdy. Nátıjesinde, jyl sońyna deıin shamamen 16 kósheniń jelisi jańǵyrtylatyn bolady", - dedi ol.

Qala ákiminiń aıtýynsha, trolleıbýs ınfraqurylymyn tolyq jańǵyrtý, onyń ishinde 172 shaqyrym baılanys jelisin aýystyrý 2021 jyly aıaqtalady dep josparlanǵan.

"2020 jyldyń sońyna deıin Jandosov, Seıfýllın, Qabanbaı batyr, Áýezov, Rozybakıev, Jubanov, Raıymbek, Emov, Qaldaıaqov, Pýshkın kóshesiniń boıynda, Rysqulov pen Raıymbek dańǵylynyń boıyedaǵy baılanys jelisiniń tirekterin bólshekteý jáne ornatý josparlanýda", - dep tolyqtyrdy Saǵyntaev.

Aıta keteıik, kabeldik jáne baılanys jelilerine kúrdeli jóndeý sońǵy ret 2000 jyly júrgizilgen bolatyn.

 

Sońǵy jańalyqtar