13 Tamyz, 10:26 531 0 Jańalyqtar Anar LEPESOVA

Prezıdent "QazAqparat" ujymyn ǵasyrlyq mereıtoıymen quttyqtady

Qazaqstan Respýblıkasynyń Prezıdenti Qasym-Jomart Toqaev "QazAqparat" halyqaralyq aqparat agenttiginiń ujymyn 100 jyldyq mereıtoıymen quttyqtady.

"Qurmetti "QazAqparat" agenttiginiń ujymy!

Sizderdi «QazAqparat» halyqaralyq aqparat agenttiginiń 100 jyldyq mereıtoıymen shyn júrekten quttyqtaımyn!

Aǵa býynǵa etene tanys bolǵan «QazTAG»-tan bastaý alyp, qazirgi «QazAqparat» atalǵanǵa deıingi kezeńde agenttik úlken damý jolynan ótti. Talaı tarıhı oqıǵalardy, ásirese, táýelsizdiktiń shejiresin túzýde erekshe eńbek sińirdi. Elbasynyń barlyq bastamalaryn, elimizdiń áleýmettik-ekonomıkalyq, mádenı-rýhanı damýy «QazAqparat» taspasynda únemi kórinis taýyp otyrdy. Sondyqtan ǵasyr jasaǵan agenttiktiń memlekettik saıasatty nasıhattaý turǵysynan el damýyna qosqan úlesi zor.

Shynaıy jańalyqty jurtshylyqqa jedel jetkizetin «QazAqparat» halyqaralyq arenada da el ımıdjin qalyptastyrýǵa da atsalysyp keledi. Qazaqstannyń basty aqparat agenttiginde qyzmet etip júrgen jýrnalıster qashanda joǵary marapatqa laıyq dep sanaımyn. Ujym qyzmetkerleri men agenttiktiń ardagerlerine zor densaýlyq, shyǵarmashylyq tabys tileımin. Jaǵymdy jańalyq kóp bolsyn!", - delingen quttyqtaýda.

 

Sońǵy jańalyqtar