12 Tamyz, 15:45 581 0 Densaýlyq Araılym Bımendıeva

Qaraqumyq unynan jasalǵan glıýtensiz ónimder naryqqa shyqty

«Glıýtensiz ónim» degen japsyrmasy bar taýardyń barlyǵy aǵzaǵa paıdaly dep esepteý úlken qate. Qazaqstan jáne álem naryǵynda usynylǵan glıýtensiz ónimderde trans maılar, tazartylǵan qant jáne hımııalyq ıngredıentter bolady. Osy máseleni sheshý úshin jas qazaqstandyq VegApple kompanııasy tolyqqandy jáne durys tamaqtaný talaptaryna saı keletin taýarlar jelisin naryqqa shyǵardy.

– Jas balalar úshin de, medıınalyq sebeptermen dıeta ustanatyn adamdar úshin de qolaıly 100% glıýtensiz jáne densaýlyqqa paıdaly un qospasyn oılap tabýdy kópten beri armandadym, – deıdi VegApple negizin qalaýshy Iýlııa Grosheva. Karantın kezinde biz buryn qoldanǵan undy jetkizý toqtatyldy. Al qalǵan taýar baǵasy eki esege ósti. Óndiristi toqtatpaý úshin shuǵyl sharalar qabyldaý qajet boldy. Osylaı, daǵdarystyń arqasynda ıdeıa júzege asa bastady, – deıdi ol.

VegApple tehnologtary astyqtyń túrlerin zerttep, qaraqumyq jarmalaryn muqııat tekserdi. Jańa ónimdi jasaý kezinde birneshe ólshemderge úlken mán berildi. Bastysy – un mono qospadan, ıaǵnı bir ıngredıentten turýy kerek. Ekinshi mańyzdy faktor – ystyqqa tózimdilik jáne turaqtylyq. Úshinshi shart – ishine salynǵan qospa dámin seziný úshin unnyń dámi ústem bolmaýy kerek. Jasyl qaraqumyq uny osy ólshemderdiń barlyǵyna tolyqtaı saı keledi. Sonymen qatar ol gıpoallergendi jáne dárýmenderge baı.

«Klıentterimizge tolyqtaı senimdi ónimdi usynýǵa qýanyshtymyz. Qaraqumyq unynan jasalǵan jartylaı fabrıkattar – bul álemdik naryqtaǵy erekshe ónim, olar tolyqtaı glıýtensiz, jumyrtqasyz jáne krahmalsyz. Tutynýshylar tarapynan jaǵymdy pikirler alyp jatqanymyzǵa qýanyshtymyz, – deıdi Iýlııa Grosheva.

Sońǵy jańalyqtar