12 Tamyz, 14:55 682 0 Saıasat Anar LEPESOVA

Senat saılaýynyń aldyn ala qorytyndysy jarııalandy

Elimizde Senat saılaýy aıaqtaldy. Daýys berýge 2 892 máslıhat depýtaty qatysyp, óz tańdaýyn jasady. Saılaýdyń barlyq talaptarǵa saı ótýin 185 baqylaýshy qadaǵalady. Olardyń ishinde 180 adam qazaqstandyq baqylaýshylar bolsa, túrki tildes memleketteriniń yntymaqtastyǵy keńesiniń mıssııasynan bes baqylaýshy keldi. 

Ortalyq saılaý komıssııasy aldyn ala málimetine sáıkes, Senat saılaýynda kelesi kandıdattar jeńiske jetti:

  • Aqmola oblysynan – Aqmola oblysy boıynsha revızııalyq komıssııanyń tóraǵasy Nurlan Bekenov - 89.5%;
  • Aqtóbe oblysynan – Shalqar aýdanynyń ákimi Baýyrjan Qanıev - 89%;
  • Atyraý oblysynan –"Kazahstan Petrokemıkal Indastrız Ink." JShS basqarýshy dırektory (KPI Inc) Saǵyndyq Luqpanov - 82.69%;
  • Batys Qazaqstan oblysynan – isker áıelderi qaýymdastyǵynyń aımaqtyq basshysy Lıazzat Rysbekova - 70.33%;
  • Jambyl oblysynan – Jambyl oblysy ákiminiń birinshi orynbasary Bekbolat Orynbekov - 92.09%;
  • Qostanaı oblysynan – Qostanaı oblysy ákiminiń orynbasary Sergeı Karplıýk - 87.21%;
  • Qyzylorda oblysynan  - Nur Otan partııasynyń Qyzylorda oblystyq fılıaly tóraǵasynyń birinshi orynbasary Aqmaral Álnazarova - 77.86%;
  • Mańǵystaý oblysynan - "Qarajanbasmunaı" AQ birinshi vıe-prezıdenti Súıindik Aldashev - 87%;
  • Pavlodar oblysynan – Pavlodar memlekettik pedagogıkalyq ýnıversıtetiniń rektory Altynbek Nýhuly - 81.97%;
  • Soltústik Qazaqstan oblysynan  – qazirgi senat depýtaty Olga Perepechına - 87.57%;
  • Túrkistan oblysynan – qazirgi senat depýtaty Álı Bektaev - 91.53%;
  • Shyǵys Qazaqstan oblysynan – Borodýlıha aýdanynyń ákimi Olga Býlavkına - 93.07%;
  • Almaty oblysynan  – Almaty oblystyq máslıhatynyń hatshysy Sultan Dıýsembınov – 92.63%;
  • Qaraǵandy oblysynan – qazirgi senat depýtaty Sergeı Ershov – 83.15%;
  • Nur-Sultannan – Sáken Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev - 75%;
  • Almatydan – Medeý aýdanynyń ákimi Sultanbek Mákejanov - 100%;
  • Shymkentten – qazirgi senat depýtaty Aıgúl Qapbarova – 72%.

Saılaýdyń sońǵy nátıjesi 18 tamyzda jarııalanady.

 

Sońǵy jańalyqtar