12 Tamyz, 13:49 502 0 Saıasat Anar LEPESOVA

Senat saılaýy: Almatylyq depýtattar Sultanbek Mákejanovqa senim bildirdi

Almatyda Senat depýtattarynyń saılaýy máresine jetti. 

Saılaýǵa qaladan úsh úmitker tústi: Andreı Zaharov, Tımýr Nurtaev jáne Sultanbek Mákejanov. Daýys berýge qatysqan 30 depýtattyń barlyǵy da Medeý aýdanynyń ákimi Sultanbek Mákejanovtyń kandıdatýrasyn qoldady.

Al elordada úsh kandıdattyń arasynan Aqylbek Kúrishbaev kóp daýys jınady.

Eske sala keteıik, buǵan deıin Senat tóraǵasy Máýlen Áshimbaev joǵary palata elimizdiń barlyq óńiriniń Parlamenttegi ókildigin qamtamasyz etetinin málimdegen.

Senat spıkeriniń aıtýynsha, ár qabyldanǵan zańnyń ondaǵan myń otbasy men naqty adamdardyń tynys-tirshiligine tikeleı áseri bar. "Osy rette Parlament Palatalarynyń jumysy zań shyǵarý úderisiniń barynsha tıimdi ári teńgerimdi bolýyna múmkindik beredi jáne Zańdardy eldiń, sondaı-aq, ár azamattyń múddesin eskerip qabyldaýdy qamtamasyz etedi", – dedi ol.

 

Sońǵy jańalyqtar