12 Tamyz, 13:21 506 0 Bilim Araılym Bımendıeva

Jambyldyq oqýshylarǵa 30 myńnan astam kompıýter satyp alynady

Jambyl oblysynyń ákimi Berdibek Saparbaev baspasóz konferenııasyn ótkizip, onda jańa oqý jylyna daıyndyq barysy týraly baıandady. Oblys ákiminiń aıtýynsha, jańa oqý jylynda oblystaǵy 442 mektep boıynsha 234,7 myń oqýshy bilim alady. Onyń ishinde 26,4 myń búldirshin bıyl birinshi synypqa barady.

– Pandemııaǵa baılanysty oqý proesi eki túrli formatta ótedi. Atap aıtsaq, oblystyń 275 mektebinde 215,4 myń oqýshy qashyqtan oqytýdy bastasa, 167 mekteptegi 19,3 myń oqýshy barlyq sanıtarlyq talaptardy saqtaı otyryp dástúrli túrde bilim alýdy jalǵastyrady. Bilim berý nysandary dezınfekııalaý quraldarymen, sanıtarlyq tazartqyshtarmen, teplovızorlar jáne basqa da qorǵanysh quraldarynyń qajetti qorymen qamtamasyz etilgen, – dep atap ótti oblys ákimi.

Qashyqtan oqytý «DarynOnlain» bilim berý platformasynyń kómegimen júzege asyrylady. Sonymen qatar, jumys isteıtin, úıde balalaryna onlaın rejımde bilim berýdi uıymdastyra almaıtyn ata-analar úshin qatań sanıtarlyq-epıdemıologııalyq talaptarǵa sáıkes «kezekshi 1-4 synyptar» ashý múmkindigi qarastyrylýda.

Sapaly qashyqtan oqytýdy uıymdastyrý úshin oqýshylar men muǵalimderdi kompıýterlermen jáne ınternetpen qamtamasyz etý máselesi sheshilýde. Qazirgi tańda mektep oqýshylarynyń 134,8 myńy nemese jalpy sanynyń 57,4 paıyzy derbes kompıýterlermen jáne noýtbýktermen qamtamasyz etilgen, al 99,8 myń (42,5%) oqýshyda kompıýterlik tehnıka joq.

– Oblys mektepterinde 25,6 myń kompıýter bar, taǵy 26,4 myń kompıýter satyp alýǵa respýblıkalyq bıýdjetten 4,1 mlrd. teńge bólindi. Qosymsha 4,5 myń kompıýter jergilikti bıýdjet esebinen satyp alynady. Sondaı-aq, 23 myń roýter-modem satyp alý josparlanýda.

Kompıýter jáne ınternetpen qamtamasyz etýde aldymen kóp balaly jáne az qamtylǵan otbasylardyń balalaryna, jetim, ata-anasynyń qamqorlyǵynsyz qalǵan, sondaı-aq erekshe qajettilikteri bar balalar nazarǵa alynady. Bul sanattarǵa shamamen 40 myńǵa jýyq bala kiredi, – dedi aımaq basshysy.

Aıta ketý kerek, oblys oqýshylaryn oqýlyqtarmen jáne oqý-ádistemelik keshendermen qamtamasyz etýge 2,9 mlrd. teńge bólingen. Oqýlyqtardy úlestirý 25 tamyzǵa deıin tolyǵymen aıaqtalatyn bolady. Jańa oqý jylynda mektep oqýshylary oqýlyqtarmen 100 paıyz qamtylady.

Sońǵy jańalyqtar