12 Tamyz, 12:54 493 0 Saıasat Anar LEPESOVA

Senat depýtattaryn saılaý: Elordada kim kóp daýys jınaǵany belgili boldy

Búgin astanadaǵy Táýelsizdik saraıynda Senat depýtatyn saılaý ótti.

Nur-Sultan qalasynan elimizdiń joǵarǵy zań shyǵarýshy organynyń joǵary palatasyna úsh kandıdat tirkelgen bolatyn.

Daýys berý qorytyndysy boıynsha Aqylbek Kúrishbaev 15 daýys jınady. Al Máýlen Samambetov - 2, Meırambaı Oralov 3 daýys qana jınady.

Saılaýǵa qalalyq máslıhattyń 21 depýtatynyń 20-sy qatysyp, óz tańdaýyn jasady.

Eske sala keteıik, buǵan deıin Senat tóraǵasy Máýlen Áshimbaev joǵary palata elimizdiń barlyq óńiriniń Parlamenttegi ókildigin qamtamasyz etetinin málimdegen.

Senat spıkeriniń aıtýynsha, ár qabyldanǵan zańnyń ondaǵan myń otbasy men naqty adamdardyń tynys-tirshiligine tikeleı áseri bar. "Osy rette Parlament Palatalarynyń jumysy zań shyǵarý úderisiniń barynsha tıimdi ári teńgerimdi bolýyna múmkindik beredi jáne Zańdardy eldiń, sondaı-aq, ár azamattyń múddesin eskerip qabyldaýdy qamtamasyz etedi", – dedi ol.

Sońǵy jańalyqtar