12 Tamyz, 11:48 771 0 Jahan Anar LEPESOVA

Karantınde jatqan azamat 4-qabattan sekirip, mert boldy

Tashkenttegi "Saıohat" qonaq úıinde karantınde jatqan  31 jastaǵy azamat tórtinshi qabattan sekirip, qaıtys boldy. 

Ózbekstan Bas prokýratýrasynyń habarlaýynsha, marqum 4 tamyzda Reseıdiń Qazan qalasynan Tashkentke ushyp kelip, birden karantınge jatqyzylǵan. 7 tamyzda odan koronavırýsqa synama alynǵan. Synama teris nátıje kórsetken.

Týystarynyń sózinshe, er azamattan sońǵy kezde psıhıkalyq ózgerister baıqalǵan. Oqıǵanyń mán-jaıyn anyqtaý úshin tergeý amaldary júrgizilýde.

Aıta keteıik, pandemııa bastalǵaly Ózbekstanda 32 myńǵa jýyq adamnan koronavırýs anyqtaldy. Indetten 204 naýqas kóz jumdy. 23 myńnan asa adam emdelip shyqty.

Sońǵy jańalyqtar