11 Tamyz, 17:50 451 0 Aımaq Anar LEPESOVA

Pavlodar oblystyq sotynyń tóraǵasy taǵaıyndaldy

Memleket basshysynyń Jarlyǵymen Baqytjan Qaramanov Pavlodar oblystyq sotynyń tóraǵasy bolyp taǵaıyndaldy. Bul týraly óńir ákiminiń baspasóz qyzmeti habarlady.

Jańa basshyny Pavlodar oblysynyń quqyq qorǵaý blogy ókilderine óńir ákimi Ábilqaıyr Sqaqov tanystyrdy. Ákim Baqytjan Qaramanovtyń sot júıesindegi úlken tájirıbesin atap ótip, jańa jumysyna sáttilik tiledi.

«Sot júıesiniń jumysy búkil qoǵam úshin asa mańyzdy. Sot jáne quqyq qorǵaý organdarynyń da, jalpy memlekettik apparattyń da basym mindetteriniń biri turǵyndardyń senimi bolyp tabylady. Sizdiń mol jumys tájirıbeńiz Memleket basshysynyń sot júıesine júktegen mindetterdi sheshýge yqpal etetinine senimdimin», - dedi óńir basshysy.

Baqytjan Qaramanov jańa qyzmetine deıin bes jyl Almaty qalalyq sotynda - qylmystyq ister jónindegi sot alqasynyń tóraǵasy jáne sýdıa qyzmetin atqardy. Onyń aldynda, ıaǵnı 2002-2015 jyldar aralyǵynda áskerı sottyń sýdıasy bolǵan.

Ár jyldary QR Qarýly Kúshteri Áskerı sotynda, QR Bas prokýratýrasynyń áskerı prokýratýralar basqarmasynda, ishki áskerlerdiń áskerı prokýratýrasynda jáne taǵy basqa laýazymdarda bolǵan.

 

Sońǵy jańalyqtar