11 Tamyz, 15:47 1740 0 Qoǵam Anar LEPESOVA

Elordada jańa týǵan nárestelerge qoıylǵan eń tanymal esimder anyqtaldy

Qalalyq statıstıka departamenti náresteler arasynda eń tanymal esimderdi atady. Bul týraly elorda ákimdiginiń resmı saıty habarlaıdy. 

Jyl basynan beri dúnıege kelgen ul balalar arasynda eń kóp taraǵan esim Ramazan (97) bolsa, odan keıin Ámir (95), Álıhan (87), Alan (73) jáne Álı (72) esimderi tirkelgen.

Statıstıkalyq málimetter Omar, Makar, Ámire, Mıron, Tımofeı, Demıd, Ibragım sııaqty esimder qaıtadan tanymal bola bastaǵanyn kórsetedi. Jańa týǵan er balalar arasynda kezdesetin erekshe esimder: Inaıat, Ramıs, Dalen, Daler, Adrıel Archı, Azarıı, Arbı.

Jańa týǵan qyz balalar arasynda eń tanymal Medına (150)esimi bolsa, top 5-ke kiretin esimder: Aılın (149), Aıala (114), Aısha (113) jáne Amına (105). Sırek kezdesetin esimder: Alısha, Arýnaz, Safına, Hanıfa, Evelına, Aıshabıbi, Imona, Avrora, Teıa, Iassaýına.

Buǵan deıin habarlaǵanymyzdaı, Nur-Sultan qalasynda 2020 jyldyń sońǵy alty aıtynda 14 123 bala dúnıege keldi.

Sonymen qatar qalalyq qoǵamdyq densaýlyq saqtaý basqarmasy basshysynyń ana men bala densaýlyǵyn qorǵaý jónindegi orynbasarynyń mindetin atqarýshy Tatıana Bıshoraevanyń aıtýynsha, elordada egizder men úshemder sany artqany baıqalady. Jyl basynan beri Nur-Sultan perzenthanalarynda 93 egiz (ótken jyly – 77) jáne úsh úshem (byltyr – 1) dúnıege keldi.

Kún saıyn elordada 60-110 bala dúnıege keledi.

 

 

Sońǵy jańalyqtar