11 Tamyz, 10:43 715 0 Densaýlyq Anar LEPESOVA

Qazaqstan koronavırýs juqtyrǵandar sany jóninen álemde neshinshi orynda?

Qazaqstan PTR dıagnostıkamen qamtý boıynsha álemde 37-orynda, al indetke shaldyqqandar sany jóninen 43-orynda tur. 

Bul týraly Úkimet otyrysynda QR Densaýlyq saqtaý mınıstri Alekseı oı málimdedi.

«Qazaqstanda 11 tamyzdaǵy derek boıynsha 100 164 naýqas tirkelgen. Onyń ishinde 25 171 naýqas em alyp jatyr. 73 702 paıent nemese 73,6 paıyzy emdelip shyqty. 1 091 adam qaıtys boldy. Vırýs reprodýktıvtiliginiń nemese 1 naýqastyń ózgelerge juqtyrý kórsetkishi 1,72 bolatyn. Karantın engizgennen keıin reprodýktıvtilik kórsetkishiniń turaqty túrde tómendegen kórip otyrmyz. Ol 2 esege, ıaǵnı 0,82-ge deıin tómendedi», - dedi mınıstr.

Alekseı oıdyń sózinshe, el turǵyndaryn testileýmen qamtý keńeıdi. Qazaqstan PTR dıagnostıkamen qamtý kórsetkishi boıynsha álemde 37-orynda tur. Naýqastardy der ýaqytynda dıagnostıkalaýdyń nátıjesinde Covid-19-dan qaza tapqandar kórsetkishi boıynsha elimiz 70-orynda.

«Elde indet statıstıkasy jańartylyp, tirkelgen jaǵdaılar sany artty. Qazirgi ýaqytta Qazaqstan álemde 43-orynda tur. Anyqtalǵan naýqastardyń der ýaqytynda ózin-ózi oqshaýlaýy, ambýlatorııalyq jáne staıonarlyq emdeýmen qamtý, sonymen qatar baılanysta bolǵan adamdardy baqylaýǵa alý aýrýdyń taralýyn tejeýge, jaǵdaıy aýyr naýqastardy baqylaýǵa alýǵa múmkindik berdi», - dedi vedomstvo basshysy.

Eske sala keteıik, buǵan deıin Premer-mınıstr Asqar Mamın Densaýlyq saqtaý mınıstrligine karantın sharalaryn kezeń-kezeńimen alyp tastaý josparyn memlekettik komıssııa qaraýyna engizýdi tapsyrdy.

Úkimet basshysynyń aıtýynsha, karantın enzigilýiniń nátıjesinde aýrýhanalardyń júktemesi 61 paıyzǵa, jedel járdem shaqyrý 62 paıyzǵa tómendegen.

 

Sońǵy jańalyqtar