11 Tamyz, 10:21 546 0 Ekonomıka Anar LEPESOVA

Elimizdiń jalpy ishki ónimi 2,9 paıyzǵa tómendedi

2020 jylǵy qańtar-shilde aılarynyń qorytyndysy boıynsha elimizde taýarlar óndirisi 2,1 paıyzǵa ósken, al kórsetiletin qyzmetter 6,2 paıyzǵa qysqarǵan. Nátıjesinde jalpy ishki ónim 2,9 paıyzǵa tómendedi. Bul týraly Úkimet otyrysynda Ulttyq ekonomıka mınıstri Rýslan Dálenov aıtty. 

Jyldyq ınflıaııa 7,1 paıyzdy quraǵan. Alaıda mınıstrdiń sózinshe, bul eskerilgen ınflıaııa dálizinen tómen (8-8,5%).

Rýslan Dálenov ekonomıkanyń naqty sektorynda ósim jalǵasyp jatqanyn aıtty. Atap aıtqanda, qurylys, óńdeý ónerkásibi jáne aýyl sharýashylyǵy salalarynyń tabysy artqan.

«Importtyń tómendeýi aıasynda oń saýda balansy saqtalýda. Sonymen qatar, karantındik shekteýlerge baılanysty servıstik qyzmetter kóleminiń qysqarýy, sondaı-aq munaı óndirý qarqynynyń josparly tómendeýi baıqalady. Bul ekonomıkanyń ósýin tejeýshi faktory boldy», - dedi mınıstr.

Mınıstrlik málimetinshe, óndiristik sektorda 2,1 paıyzǵa ósim baıqalady, onyń ishinde qurylysta – 6,3, óńdeý ónerkásibinde – 3,8, aýyl sharýashylyǵynda – 2,5 paıyzǵa.

Sonymen birge, qyzmetter sektory salalarynda, onyń ishinde jyljymaıtyn múlikpen jasalatyn operaııalar – 4,3 paıyzdyq, ákimshilik qyzmetterdi kórsetý – 5,3, saýda – 11,9 jáne kólik qyzmetteri 15,6 paıyzdyq tómendeý kórsetti. Al baılanys qyzmetteri 8,7 paıyzǵa artty.

Sońǵy jańalyqtar