10 Tamyz, 13:42 567 0 Jahan Anar LEPESOVA

Belarýstegi saılaý: Lýkashenko 80 paıyzdan astam daýys jınady

Belarýste ótken prezıdent saılaýynyń aldyn ala nátıjeleri jarııalandy, dep habarlaıdy BELTA.

Eldiń Ortalyq saılaý komıssııasynyń málimetinshe, qazirgi prezıdent Aleksandr Lýkashenko 80,23% daýys jınaǵan. Saılaýshylardyń 9,9%-y Svetlana Tıhanovskaıaǵa, 1,68% Anna Kanopakaıaǵa, 1,04% Andreı Dmıtrıevke, 1,13%-y Sergeı Cherechenge daýys bergen.

Saılaýǵa 5 798 908 adam, ıaǵnı tizimdegi saılaýshylardyń 84,23%-y qatysqan.

Eske sala ketsek, keshe Belarýs respýblıkasynda prezıdent saılaýynyń negizgi daýys berý kezeńi ótti.

Saılaýdyń ádil ári talaptarǵa saı ótýin 248 halyqaralyq jáne 50 myńǵa jýyq ulttyq baqylaýshylar baqylady.

El zańnamasy boıynsha memleket basshysyn tikeleı belarýs halqy saılaıdy. Daýys berý qupııa túrde júrgiziledi. Eger daýys berýge saılaýshylar tizimine engizilgen azamattardyń jartysynan astamy qatyssa, saılaý ótti dep esepteledi.

Eger kandıdatty daýys berýge qatysqan saılaýshylardyń jartysynan astamy qoldasa, sol azamat jeńiske jetip, el prezıdenti bolyp tanylady.

Sońǵy jańalyqtar