10 Tamyz, 10:15 863 0 Rýhanııat Anar LEPESOVA

Qasym-Jomart Toqaev: «Abaıtaný» oqýlyǵy men hrestomatııasyn ázirleý qajet

Jańa fılosofııalyq jáne saıası ustanym turǵysynan «Abaıtaný» oqýlyǵy men hrestomatııasyn ázirleý qajet. QR Prezıdenti Qasym-Jomart Toqaev Egemen Qazaqstan gazetinde jarııalanǵan «Abaı – rýhanı reformator» atty maqalasynda osylaı málimdedi.

«Qazir elimizde abaıtanýmen aınalysatyn birneshe ǵylymı-zertteý ortalyǵy bar. Osylardyń jumysyn júıelep, elordamyzdaǵy Abaı akademııasynyń tóńiregine toptastyrǵan jón. Akademııa barlyq zertteý mekemeleriniń jumysyn ǵylymı turǵydan úılestirýshi mindetin atqara alady. Aldaǵy ýaqytta gýmanıtarlyq pánderdiń bólinbes bólshegi retinde «Abaıtaný» kýrsyn oqytý máselesin qolǵa alý kerek. Jańa fılosofııalyq jáne saıası ustanym turǵysynan «Abaıtaný» oqýlyǵy men hrestomatııasyn ázirleý qajet. Sondaı-aq Abaıdyń «tolyq adam» ilimi jan-jaqty ári tereń zerttelýge tıis. Biz Abaıdy HIH ǵasyrda ómir súrip, HHI ǵasyrdyń sózin sóılegen danyshpan retinde álemge tanytýymyz kerek» - dedi Memleket basshysy.

Qazaqstan Prezıdenti sonymen qatar Abaıdy ulttyq sanany jańǵyrtýǵa zor yqpal etken rýhanı reformator retinde dáripteýge mindetti ekendigimizdi basa aıtady.

«Túptep kelgende, árbir qazaq Abaımen maqtanýǵa tıis! Halqymyzdyń uly perzentiniń torqaly toıy qutty bolsyn!», - dep túıindeıdi oıyn Qasym-Jomart Toqaev.

 

Sońǵy jańalyqtar