9 Tamyz, 16:41 424 0 Jahan Anar LEPESOVA

COVID-19: Reseıde indetke shaldyqqandar sany 887 myńnan asty

Ótken táýlikte Reseıdiń 84 óńirinde koronavırýs juqtyrýdyń 5189 jańa deregi tirkeldi. Olardyń 26,6 paıyzy – sımptomsyz naýqastar. Bul týraly eldegi indettiń taralýyn baqylaý jónindegi jedel shtab habarlady.

Elde bir táýlik ishinde 3215 adam emdelip shyqsa, derti asqynǵan 77 naýqas kóz jumdy. Pandemııa bastalǵaly Reseıde indet juqtyrǵandardyń jalpy sany 887 536-ǵa jetip otyr. Indet qurbandarynyń sany – 14 931. 693 422 adam indetti jeńdi.

Eske sala keteıik, buǵan deıin AQSh-ta koronavırýs juqtyrǵandar sany 5 mıllıonnan asqanyn habarlaǵanbyz.  Indetten elde barlyǵy 161 900 adam qaıtys boldy. Sońǵy aptada ár táýlik saıyn shamamen 1000 adam kóz jumýda.

Al Qazaqstanda sońǵy táýlikte 872 adamnan koronavırýs anyqtalyp, qaterli vırýsty juqtyrǵandardyń jalpy sany 98 701-ge jetti. Indetten 1058 otandasymyz kóz jumdy. Sondaı-aq, koronavırýs belgileri bar pnevmonııadan 152 naýqas qaıtys boldy.

Sońǵy jańalyqtar