9 Tamyz, 15:58 614 0 Áleýmet Anar LEPESOVA

Jaldamaly baspana: Elordada dárigerler men muǵalimderge 1 myń páter úlestiriledi

Bıyl Nur-Sultanda myńǵa jýyq páter muǵalimder men dárigerlerge úlestiriledi. Turǵyn úıler satyp alý quqyǵymen jalǵa beriledi. Bul týraly shahar basshysy áleýmettik jelide habarlady. 

«Qazaqstandyq ıpotekalyq kompanııamen birge biz birqatar áleýmettik turǵyn úılerdiń qurylysyn júrgizýdemiz. Bul turǵyn úıler satyp alý múmkindigi bar jaldamaly úıler. Qoljetimdi baspana muǵalimder men dárigerlerge taratylady. Bıyl barlyǵy 1 000 páter beriledi», - dep jazdy Altaı Kólginov Instagram paraqshasynda.

Ákimniń aıtýynsha, ol Abaı men Shuǵylanyń 150 jyldyǵy, Qosshyǵululy, Toraıǵyrov, Tólebaev pen Sharbaqty kósheleriniń qıylysynda jáne Tilendıev dańǵylynda ornalasqan turǵyn úı kesheniniń qurylysymen tanysty.

«Sonymen qatar, biz kezekte turǵandarǵa (halyqtyń áleýmettik álsiz toptary), turǵyn úı qurylys jınaq bankiniń salymshylaryna turǵyn úı salý jumystaryn júrgizemiz. Sonymen qatar biz aldaǵy jyldarǵa daıyndyq jumystaryn júrgizýdemiz», - dedi ákim.

Sońǵy jańalyqtar