9 Tamyz, 11:35 435 0 Jahan Anar LEPESOVA

AQSh-ta koronavırýs juqtyrǵandar sany 5 mıllıonnan asyp jyǵyldy

Pandemııa bastalǵaly AQSh-ta koronavırýs juqtyrǵandar sany 5 mıllıonnan asty. Bul týraly soobaet The New York Times óziniń derekter bazasyna silteme jasap habarlady.

Amerıkalyq basylymnyń dereginshe, qazirgi tańda jeti shtatta indettiń taralýy órship tur: Oklahoma, Vırdjınııa, Illınoıs, Gavaıı, Ońtústik Dakota, Massachýsets, Rod-Aılend, sondaı-aq, Gýama, Vırgınııa araldary men  Pýerto-Rıkoda epıdemıologııalyq ahýal kóńil kónshitpeı tur.

Epıdemııa saldarynan elde barlyǵy 161 900 adam kóz jumdy. Sońǵy aptada ár táýlik saıyn shamamen 1000 adam kóz jumýda.

The New York Times-tyń habarlaýynsha, indet juqtyrýshylar sanynyń kúrt kóbeıýi eldiń ońtústiginde jáne shekteý sharalaryn jedel jeńildetý týraly sheshim qabyldaǵan shtattarda tirkelip otyr.

Buǵan deıin AQSh prezıdenti Donald Tramp elde koronavırýsqa qarsy vakına 3 qarashaǵa josparlanǵan prezıdenttik saılaýǵa deıin daıyn bolýy múmkin ekenin aıtqan.  Mundaı málimdemeni ol jýrnalıst Geraldo Rıveraǵa bergen suhbaty barysynda jasady.

Eske sala ketsek, jýyrda Qazaqstanda koronavırýsqa qarsy vakına alǵash ret adamǵa egildi. Ekpeni alǵan alǵashqy qazaqstandyq - Almatydaǵy Qazaq ulttyq agrarlyq ýnıversıteti janyndaǵy halyqaralyq vakınalogııa ortalyǵynyń dırektory Qaısar Tabynov.

Sońǵy jańalyqtar